Et ass an de leschten Joerzéngten zu engem reegelrechte Business an engem deieren Hobby vun villen Hollywood-Fans ginn: d’Sammelen vun Original-Requisiten.

Elo am September ass zu Los Angeles erëm eng grouss Auktioun wou e puer ganz rare Stécker wäerte versteet ginn. Requisiten aus Filmer wéi Harry Potter, Titanic, Alien oder King Kong sinn nëmmen e puer Beispiller. Exklusiv Stécker mat deels och ganz exklusive Präisser.

© RTL

E Beispill: dem Sean Connery säi Moon-Buggy aus dem „Diamonds are Forever“ James Bond vun 1971. Geschätzte Präis hei 600.000 Dollar. Oder wéi wär et mat Beverly Hills 90210 Badgen? Oder awer léiwer original Top Gun Material. Bei den 940 Stécker déi Enn des Mounts zu Los Angeles versteet ginn dierft wuel all Fan vun de berühmte Filmklassiker eppes fannen. Insgesamt rechent ee mat 10 Milliounen Dollar déi hei wäerten erakommen.