Am Tramschapp um Lampertsbierg huet e Samschdeg de Salon vum CAL, dem Cercle Artistique de Luxembourg, ugefaang.

Et ass dëst Joer scho fir d'Fënneft, dass de Lampertsbierg Ugangs November zum Zentrum vun der zäitgenëssescher Konscht zu Lëtzebuerg gëtt. Eng Woch virun der Ouverture vun der Luxembourg Art Week huet de Salon vum CAL seng Dieren opgemaach.

Salon CAL
Am Tramschapp um Lampertsbierg huet e Samschdeg de Salon vum CAL, dem Cercle Artistique de Luxembourg, ugefaang.

Um Vernissage gouf iwwerdeems dee beschte Kënschtler ënner 35 Joer mam “Prix Révélation” ausgezeechent, deen  all zwee Joer vergi gëtt a mat 2.500 Euro dotéiert ass.

 Et ass de Salon vun de Rekorden: Méi wéi 150 Lëtzebuerger Kënschtler haten dëst Joer hir Kandidatur fir de Salon vum CAL agereecht. 46 goufen der vum Jury zeréckbehalen a weise jeeweils 3 nei Wierker. Op 600 Quadratmeter erwaart de Visiteur eng Auswiel u Konschtwierker vu souwuel etabléierten, wéi och opstriewende Kënschtler. Ganz nei ass d'Biennale „Coup de Pouce“.
De “Prix Révélation”, deem säi But et ass, fir jonk Kënschtler ënner 35 Joer an hirem Schafen an an hirem Developpement z'ënnerstëtzen, goung dëst  Joer un de Pit Molling. Dee Lëtzebuerger Kënschtler schafft digital am 2- wéi och am 3 dimensionale Raum.

Nach bis de 14. November inclus kann een déi 138 nei Wierker am Tramsschapp um Lampertsbierg erfuerschen.

An deem Kader gouf iwwerdeems um Donneschdeg um Glacis eng Statu opgeriicht vum éisträichesche Kënschtler Erwin Wurm, dee bekannt ass fir seng Skulpture vun zäitgenëssescher Konscht an extravagante Wierker.

Statue vum Erwin Wurm um Glacis ageweit
Am Tramschapp um Lampertsbierg fänkt e Samschdeg de Salon vum CAL, dem Cercle artistique luxembourgeois, un.

Zum Beispill hat hien 2006 een Eefamilljenhaus um Daach vum Musée fir Modern Konscht zu Wien installéiert, seng Wierker sinn och dacks vun engem gewëssenen satireschen Humor gekennzeechent.