De Jemp Schuster an de Jang Linster sinn zu Lëtzebuerg keng onbekannt.

Deen ee kennt een als Auteur, Kabarettist an Theaterregisseur, deen anere als Musek- a Videoproduzent. Elo hu si sech zesummegedoen a bréngen deemnächst en neie Produit op de Marché: E Lauschterbuch. Oder besser gesot zwee. Dat Ganzt baséiert um Jemp sengen zwee Bicher “Bluttsëffer” a “Ouereschlëffer”.

Mir dierfen e Bléck an den Tounstudio geheien an kruten och verroden, wat dës Lauschterbicher esou speziell mécht. Wéi eng Technik dohannert stécht a wéi se funktionéiert gesitt Dir am Reportage.