Den Andy Rourke war bis zu hirer Opléisung am Joer 1987 Bassist vun der brittescher Band "The Smiths".

E Freideg ass hien no enger laanger Kriibserkrankung am Alter vun 59 Joer gestuerwen. Dat huet de Gittarist vun der Band Johnny Marr op senge soziale Medie matgedeelt.

"The Smiths" waren an den 1980er Jore maassgeeblech um Opbau vun enger onofhängeger Musekszeen an England bedeelegt a gëllen als Virreider vun der sougenannter "Indie-Music".