E Sonndeg gouf de Kadaver zu Jambo Reuhat fonnt. Ermëttler ginn dovunner aus, dass hie wéinst senge Stousszänn dout gemaach gouf.

Eng Enquête hätt erginn, dass de ronn 12 Joer alen Elefant als éischt vergëft gouf, éier een de Kapp vum Rescht vum Kierper ofgetrennt hätt.

De Sumatra-Elefant (Elephas maximus sumatranus) ass eng Ënnergattung vum Asiateschen Elefant. Hie steet op der rouder Lëscht vun der IUCN a gëllt als vum Ausstierwe bedrot. Schätzungen no liewen hautdesdaags manner wéi 3.000 där Déieren a fräier Natur. De Bestand geet drastesch zeréck, well hire Liewensraum ëmmer méi kleng gëtt.