Wien gouf 2018 vum briteschen "Economist" als Nummer 1 vun der Welt confirméiert. Ass dës Stad och 2019 de Spëtzereider, oder awer vläicht Lëtzebuerg?

Net nëmmen d'Mercer-Etude am Fréijoer 2019, mä och de briteschen Economist confirméiert, dass Wien och dëst Joer nees op éischter Plaz ass.

Op der 2. an der 3. sinn déi australesch Stied Melbourne a Sydney virun Osaka a Japan a Calgary am Kanada. Nieft Wien ass just nach eng aner europäesch Stad an den Top 10: Kopenhagen op Plaz 9.

Mat der 23. Plaz läit d'Stad Lëtzebuerg souguer viru Paräis, der Stad vun der Léift. Duerch déi vill hefteg Protester huet déi franséisch Metropol 2019 méi schlecht ofgeschnidde wéi zejoert.

D'Stied, an deenen et sech no der EIU-Etüd am schlechtste liewe léisst, sinn Damaskus, Karachi, Tripolis, Dhaka a Lagos.

D’Krittären, déi fir de Ranking a Betruecht gezu gi sinn, si Sécherheet, Gesondheetsversuergung, Kultur, Ëmwelt, Educatioun an Infrastrukturen.