De Sonndeg war déi grouss Seefekëschte-Course op der Maartplaz. Fir déi 13. Kéier sinn hei Kanner a Jugendlecher aus dem ganze Land géinteneen ugetrueden.

Eng Course, déi all Joers u Popularitéit gewënnt. E seelene Spektakel zu Lëtzebuerg, deen net just wéinst der Originalitéit vun de Gefierer, um Sonndeg nees vill Leit ugezunn huet.

An der drëtt-gréisster Stad vum Land gouf e Sonndeg nämlech och en "Dag ewéi fréier" gefeiert.

D'Geschicht vun der Seefekëscht huet am Joer 1904 am däitschen Oberursel, am Nordweste vu Frankfurt, ugefaangen. Zwee jonk Bouwen hunn d'Autoe vun de groussen Autoscourssen a Miniatur nogebaut an wollten du géintenee konkurréieren – d'Gebuertsstonn vun der éischter „Kanner-Autoscourse".

Séier ass dës Iddi an Amerika ukomm, wou de Won fir Kanner och säin Numm krut. An den 1930er Joren huet eng amerikanesch Seefe-Firma e Plang gemoolt, fir e Won op den eegene Këschten ze bauen. D'Seefekëscht war gebuer a bis haut sinn d'Seefekëschte-Courssen Kult a gëllen als d'Formel 1 vun de Knirpsen.

Och am "Jugendtreff" zu Déifferdeng ass déi alljäerlech Seefekëschte-Course en Highlight. Net nëmme baue se mat deene Jonken all Joer nei Këschten, ma si organiséieren och déi grouss Coursen op der Maartplaz.

Den Ilian an den Leonid sinn zwee Jonker, déi mat un den Depart gaange sinn, an déi och zesummen um Workshop vum "Jugendtreff" Déifferdeng deelgeholl hunn, fir hir eege Seefekëscht an enger Woch ze bauen. D'Opreegung war grouss bei deenen zwee an natierlech ass fir si dee schéinste Moment, wa se endlech an hirem Dram op 4 Rieder fuere kënnen. Zum Schluss sollt et fir de Leonid leider net duergoen, ma ëmmerhin konnt den Ilian déi zweete Plaz erausfueren.

Hei de Listing vun de Gewënner vum Soapboxrennen 2019

Slamlom Open
Weissen Blëtz --> BERNARDO Jérémy
Bloody shark --> SITA Ilian
Hai Fesch --> GUEDES Antonio

Slalom Kids
Fast Lou --> WAGNER Lou
Bub Racer --> FONTANA Loris
Green Fire --> STOFFEL Lenny

Cours Open
Hot Road --> Pit DONVEN
Weisse Blëtz --> BERNARDO Jérémy
Hai Fesch --> GUEDES Antonio

Cours Kids
Fast Lou --> WAGNER Lou
Green Fire --> STOFFEL Lenny
Jay Timer --> Jay-jay

Prix Public
Chill-Mobil --> FERNANDES Luana

Prix d'originalité
Superjempmobil --> WILWER Jona

Prix funny
Gago 95--> leandro

VIDEO: Seefekëschte-Rennen am Zentrum zu Déifferdeng
Am Zentrum vum Déifferdeng war haut déi 14. Editioun vun der "Soap - Box", de Seefekëschte-Rennen.