Den norwegesche Palais huet e Freideg wësse gedoen, dass de Kinnek Harald V huet missen an d'Klinik bruecht ginn. De Grond gouf awer net matgedeelt.

Den 83 Joer ale Kinnek, deen zanter 29 Joer regéiert, gëtt temporär vu sengem Jong, dem Krounprënz Haakon, vertrueden.

2003 gouf de Kinnek u Kriibs operéiert, 2005 koum eng weider Häerz-OP. Schonn am Januar dëst Joer huet hie misse wéinst enger Infektioun am Spidol behandelt ginn. Ma trotz gesondheetleche Problemer huet de Monarch net wollten ofdanken.