An eiser Serie "Een Dag am Liewe vun..." schécke mer des Kéier de Philippe Dondelinger op d'Schëff.

Domat erfëlle mir him ee Kandheetsdram, hie wollt ëmmer Kapitän ginn. Op der Musel kann een als Tourist um Roude Léiw matfueren, ma dës Kéier konnt hie kucken, wéi den Dag vum Kapitän dann esou ausgesäit, mat allem, wat dozou gehéiert. Den Teddy Deplanche mécht dëse Beruff schonn zanter 4 Joer. Fir de Philippe war et alles aneschters ewéi säi gewinnten Alldag. Eng Experienz, déi e wuel säi ganzt Liewen net méi vergiesse wäert.