En Donneschdeg war an der Stad eng méi lass, d'Kate Middleton, d'Fra vum briteschen Trounfolger Prënz William, war am Grand-Duché op Visite.

Den Intressi un esou enger populärer a sympathescher Perséinlechkeet vum briteschen Haff war deementspriechend grouss. Eng Honnert Pressevertrieder aus dem In- an Ausland waren accreditéiert, fir dëst Evenement ze couvréieren.

AUDIO: D'Kate Middleton zu Lëtzebuerg / Reportage Nadine Gautier
VIDEO: Déi bescht Momenter vun der Visite vum Kate Middleton
En Donneschdeg war d'Duchesse of Cambridge op Visite zu Lëtzebuerg.

D'Visite vun der britescher Prinzessin war am Kader vun der Commemoratioun fir den 150. Anniversaire vum Traité vu London. do hat d'Duchesse of Cambridge nawell e chargéierte Programm.

Um 13 Auer stoung als éischte Rendez-vous eng Visite vum Mudam um Programm.

VIDEO: D'Arrivée vum Kate Middleton beim Mudam
Onkommentéiert Bildmaterial
VIDEO: Begeeschterung vum Public virum Mudam
Onkommentéiert Bildmaterial
AUDIO: D'Stëmmung virum Kate / Micro-Trottoire vum Nadine Gautier

Direkt duerno goung et weider Direktioun Place Clairefontaine, wou e begeeschterte Public drop gewaart huet, de Visiteur aus Groussbritannien hautno z'erliewen.

Um 15 Auer gouf d'Duchesse am groussherzogleche Palais erwaart, wou och déi offiziell Foto zesumme mam Grand-Duc Henri, der Groussherzogin Maria Theresa, der Prinzessin Alexandra an der Iergroussherzoglecher Koppel, déi d'Catherine de ganzen Dag begleet hunn, gemaach gouf.

An där Zäit gouf d'Kate scho vum Public virum Palais erwaart.

VIDEO: D'Duchesse of Cambridge virum Palais
D'Fotografen hu sech d'Fanger wonn geknipst. Onkommentéiert Bildmaterial.

E weidere Punkt um Ordre du Jour war um 16 Auer d'Visite vum Lëtzebuerg City Museum, wou déi permanent Expositioun "The Luxembourg Story" bewonnert gouf.

Zum Schluss, ier et um 18 Auer Direktioun Fluchhafe gaang ass, war et nach d'Ouverture vun der Expo "1867. Luxembourg - Open city" am Musée Dräi Eechelen.

[widget type="liveticker" ticker="cat_live_110517"]