E Sonndeg war et nees esouwäit. D'Stroosse vun der Minettemetropole Esch waren an den Hänn vun de Fuesgecken.

No Dikrech, Käl a Schëffleng hate sech d’Fuesgecken dëse Sonndeg Rendez-vous zu Esch ginn. Am Kader vun der Escher Fuesent sinn d'Veräiner an Organisatiounen verkleed duerch d’Stroosse vun der Minettemetropole getrëppelt, hu Kamellen, Popcorn a Gadgete verdeelt a virun allem gutt Stëmmung verbreet.

VIDEO: Escher Kavalkad 2018
Eng 1.500 Leit sinn dëst Joer mat duerch Esch gezunn, dorënner zéng reng Foussgruppen, sechs Museken a 46 Ween.