Zanter engem Mount huet een elo d’Méiglechkeet, de Pafendall esou ze erliewen ewéi en 1867 wor ...

De Spectateur kritt e Virtual-Reality-Brëll op an hëlt sech Plaz an der "Virtual Reality Timetravel"-Camionnette. Dës fiert mat 10 Stonnekilometer iwwer déi 500 meter laang Streck am Pafendall. Am Brëll gesäit een da wéi et deemools hei zu Lëtzebuerg ausgesinn huet, an et setzt een an enger Kutsch.

Aus historesche Fotoen a Pläng aus dem Staatsarchiv goufen honnerte vu Gebaier, Stroossen an Objeten um Computer nei modelléiert an an Zeen gesat.

D’Realitéit an déi virtuell Welt verschmëlzen souzesoen an et geet een op eng 3 dimensional Zäitrees am 19 Joerhonnert.