Zanter de Mëttwoch de Mëtteg 15.30 Auer hu weltwäit d'Usere vu Facebook, Whatsapp an Instagram iwwer Problemer op de Plattformen geklot.

Wéi et um Donneschdeg de Moie fréi vum Facebook-Konzern heescht, wieren d'Problemer behuewen. Déi dräi Servicer déi betraff waren gehéieren zum amerikanesche Konzern. Och Twitter war betraff. Et wier ee bei bal erëm 100% huet Twitter um Donneschdeg de Moien op senger eegener Säit matgedeelt. Et kéinten nach vläicht bei verschiddene User Problemer optrieden, alles an allem dierft de Service awer nees gréisstendeels funktionéieren.
Besonnesch User an de Benelux-Staaten, deemno och hei am Land, awer och an Däitschland, Frankräich an a Groussbritannien ware betraff. Et goufen och Stéierungen un der Ostküst vun den USA, souwéi an Deeler vu Südeuropa an a Südamerika. Schonn am Mäerz dëst Joer war zu Stonnelaange Problemer op deene weltwäit genotzte Plattforme komm. Deemools ware Facebook, den Chat-Service Messenger souwéi Instagram betraff.