Well e sech dovu méi Succès op Tinder versprécht, wëll den Emile Ratelband säin Alter offiziell ëm 20 Joer erofsetze loossen a geet viru Geriicht.

Et kéint ee säin Nimm a säi Geschlecht änneren. Wisou dann net och säin Alter, präziséiert den 69 Joer alen Hollänner. An hie mengt dat duerchaus ganz Eescht. Eigentlech ass hien 69 Joer al, ma op sengem Tinder-Profil fënnt hien dat awer net esou flott. Dowéinst huet hien elo viru Geriicht geklot.

Den Emile Ratelband wëll net méi den 11. Mäerz 1949 gebuer sinn, mä den 11. Mäerz 1969. Dëst géif seng Liewenschancen däitlech verbesseren, sou d'Argument virum Riichter.

Um Geriicht gesäit ee keng rechtlech Grondlag, sech dowéinst méi jonk mussen ze maachen. Dass den Emile Ratelband sech wéinst sengem Alter diskriminéiert fillt, léisst de Riichter och net gëllen. Och en Attest vum Dokter, dass hien kierperlech esou fit ass, wéi ee Mann mat 49  Joer, zielt och net.

D'Geriicht wëll sech mat der definitiver Decisioun 4 Wochen Zäit loossen.