Eng britesch Touristin, déi sech wéineg mat der franséischer Sprooch auskannt huet, huet d’Nuecht vum 21ten op den 22te September an der Märei vun Dannemarie am Alsace verbruet.

De Paul Rumbach, Buergermeeschter vun der 2.500-Séile-Gemeng, huet der Press folgendes matgedeelt: E Freideg den Owend war eng Reunioun an engem vun de Säll. Wéi dës fäerdeg war, hu si e Geräich op den Toiletten héieren, ouni awer drop opzepassen. Si hunn d’Gebai verlooss an d’Dier hannert sech zougespaart. Wéi déi Onglécklech gemiert huet, datt si agespaart gi war, huet si sämtlech Luuchten ugemaach, fir op sec opmierksam ze maachen – ouni Erfolleg.

Eng Aptiktesch aus der Noperschaft huet deen anere Moien Hëllef geruff. Déi jonk Britin hat e Blat mat der Opschrëft „22.08.2009 Je suis fermer ici. Est ce possible la porte en ouvrir?“ an d’Fënster gepäscht. Iergendwann ass si op enger Fotell am Accueil entschlof.

E Samschden de Moien ass d’Fra vum Buergermeeschter befräit ginn. D’Erklärung vun der Aventure ass einfach: Si huet „Hôtel de Ville“ gesinn an ugeholl et giff sech ëm en Hotel handelen an deem een d’Nuecht kéint verbréngen.

De Buergermeeschter freet sech elo, ob en d’Schëlt „Hôtel de Ville“ net soll op däitsch an englesch iwwersetze loossen...