No der Première vum neie Range Rover lescht Joer, steet de sportleche Brudder um Festival 2023 am Mëttelpunkt.
Sportleche Luxus
Déi komplett nei drëtt Generatioun vum Range Rover Sport steet nees fir d’Kombinatioun vu sécherem Fuerverhalen an dem bekannte Confort. Vum grousse Brudder iwwerhëlt de Sport dee glaten Design, trëtt awer méi dynamesch op. Iwwerholl goufen och deen neisten Infotainment esouwéi d’Undriffer a Form vu Mild- a Plug-in-Hybrid. Fir 2024 soll esouguer eng vollelektresch Versioun kommen.
Aventure fir Aacht
Em 34 cm hu se d’Karosserie fir den neien Defender 130 gestreckt. Resultat sinn 8 vollwäerteg Plaze fir Passagéier an der Sëtzkonfiguratioun 2 + 3 + 3. An och fir Gepäck soll et méi Méiglechkeete ginn, maximal 2516 Liter passen eran.
