SsangYong huet schwéier Zäiten hannert sech. No enger gefloppter Fusioun mat Edison heescht dat neit Mammenhaus elo KG Mobility.

Neit Mammenhaus, neie Modell

Gutt Zäite stinn elo un an eng Rëtsch nei Modeller si geplangt. Deen éischte Worf ass den SUV Torres, deen den Offroad-KnowHow vu SsangYong nach emol confirméiere soll. Fir een attraktive Präis gëtt et den Torres am robusten Design, gutt equipéiert an 2- oder allradgedriwwen. Bei de Motore setzen d’Koreaner mol nach op ee 4-Zylinder Turbobensinner.

Den Numm SsangYong wäert lues awer sécher duerch KG Mobility, respektiv KGM ersat ginn.