Leit, déi déi nächst Woche vum Findel aus fortfléien oder do landen, kéinte sech op Problemer mat hire Vollen astellen.

D'Administratioun vun der Aviatioun, déi zu Lëtzebuerg fir d'Sécherheet am Fluchverkéier responsabel ass, wiesselt dëse Weekend komplett op en neie Logiciel bei der Loftiwwerwaachung. Duerno ginn d'Zuele vu Start- a Landungen um Findel provisoresch e bësse reduzéiert, bis d'Personal sech komplett un den neie System gewinnt huet. Virun allem de Weekend kann et zu Perturbatiounen am Fluchverkéier kommen. Ma d'Ana an och d'Luxair ginn dovun aus, dass déi sech a Grenzen halen.

AUDIO: Nei Software um Findel/Reportage Pierre Jans

D'Hardware um Findel, also de Radar, ass nach gutt. Ma am Juli muss d'Ana hir Lizenz erneieren. Dat lescht annerhalleft Joer gouf dorunner geschafft. Nei Computeren, Ecranen an en neie Logiciel.

''Well eisen aktuelle System zwar nach sécher ass, awer net méi um neiste Stand. Also musse mir dee System ersetzen.'', betount de Claudio Cordi, Direkter vun der Ana.

Et wär dee weltwäit beschte System fir d'Surveillance an der Aviatioun. D'Kontrollere vun der Ana hätten och schonn erfollegräich domat geschafft.

''Wuel ass dat simuléiert ginn, mä déi Simulatioun ass net "Real Life". Do kann een net kucken, wéi stabel de System elo wierklech ass, wa vill Trafic ass. Dofir hu mir ebe misse Restriktioune maachen.'', erkläert den Directeur adjoint Service Jos Rausch.

An enger Transitiounsphas bis e Méindeg de Moien um 6 Auer Lokalzäit dierfe just héchstens 12 Fligeren an der Stonn um Findel landen oder starten. E Sonndeg dierft et also déi meescht Retarde ginn. Duerno ginn et just bei den Arrivéeë Limitatiounen. Mat Impakt op d'Luxair-Vollen.

''No eiser Analyse wäerten haaptsächlech déi Vollen um 17 Auer mëttes an um 22 Auer owes impaktéiert sinn. 4-5 Fligere kéinten dann eng bis zwou Stonne Retard kréien.'', esou den Direkter Fluchverkéier vun der Luxair, den Dan Colling.

Grouss Perturbatioune kéinte just entstoen, wa kleng Delaie sech iwwert Deeg cumuléieren. A wann eng Kabinne-Crew hir legal Schaffzäit op engem laange Vol wéinst Verspéidungen depasséiere géif.

''Wa mir mat verschiddene Vollen esou an de Retard kommen, dass mir net méi um Findel landen dierfen, da wäerte mir amplaz op Hahn fléien an d'Passagéier da mat Bussen ofhuelen.'', ënnersträicht den Dan Colling.

Luxair an Ana rechnen awer net domadder. Si ginn dovun aus, dass den normale Fluchverkéier méi séier ewéi geplangt mam neie Logiciel iwwerwaacht ka ginn.

Offiziellt Schreiwes

Sur la mise en application des nouveaux équipements radar des contrôleurs aériens luxembourgeois (04.06.2019)

Communiqué par: Administration de la navigation aérienne (ANA) L'Administration de la navigation aérienne (ANA) informe de la mise en application d'un nouvel équipement radar des contrôleurs aériens à partir du samedi 8 juin 2019.

Cette mise à niveau complète du logiciel radar du contrôle aérien est requise pour garantir la sécurité du trafic aérien. La phase de transition vers le nouvel équipement pourrait être à l'origine de perturbations dans l'espace aérien et à l'aéroport de Luxembourg.

Il s'est avéré par l'évaluation de la sécurité que pendant cette période de transition, des restrictions du trafic aérien devront s'appliquer:

• Restrictions IFR (instrument flight rules-règles de vol aux instruments) du 8 juin 2019 17 heures UTC[1] jusqu'au 7 juillet 2019 22 heures UTC;

• Restrictions VFR (visual flight rules-règles de vol à vue, y compris formations IFR et travail aérien) du 8 juin 2019 17 heures UTC jusqu'au 10 juin 2019 22 heures UTC (cette phase pouvant être prolongée jusqu'au 16 juin 2019 à 22 heures UTC si jugé nécessaire par l'ATC de l'ANA)

Les restrictions feront l'objet de révisions régulières et seront adaptées en conséquence.

Une consultation des parties prenantes de l'aéroport et des compagnies aériennes s'est tenue le 15 mai dernier.

Dans les jours à venir, l'Administration de la navigation aérienne tâchera de minimiser les perturbations du trafic aérien et de réduire le plus possible l'impact pour les usagers de l'aéroport.

________________________________________

[1] UTC: temps universel coordonné