Dat vum 1. Mäerz un, ënnert anerem mat Hëllef vun engem Tablet fir all Employé, deen an direktem Kontakt mam Client ass.

Dee Moment gëtt den ëffentlechen Transport jo gratis. An der Gare an op de Quaie soll et zu méi Präsenz vum Personal kommen, war e Méindeg am spéide Moien op enger Pressekonferenz am Nohaltegkeetsministère gewuer ze ginn.

© Christophe Hochard / RTL Télé Lëtzebuerg

Am Hibléck op d'Aféierung vum gratis ëffentlechen Transport, den nächsten 1. Mäerz, kënnt et zu Changementer fir d'Clienten a fir Mataarbechter vun der Eisebunn. D'Personal soll an noer Zukunft méi op d'Besoine vun de Clienten agoen, déi hirersäits och Neierungen erliewen. De Marc Hoffmann, Direkter vun den Activités voyageurs CFL, huet an deem Kontext e Méindeg de Moien op enger Pressekonferenz déi zukünfteg Verkafspunkten uechtert d'Land genannt:

AUDIO: De Marc Hoffmann, Direkter vun den Activités voyageurs CFL

Wat d'Escher Gare ugeet, sou gëtt et dofir en Accord mam TICE: Ee vun hire Leit informéiert a verkeeft do ënnert anerem 1.-Klass-Ticketen. Soss kritt een zum Beispill nach Billjeeën iwwer Appen, den Internet oder Automaten. Vum Zoumaache vun deenen 8 genannte Verkafspunkte si 16 Leit betraff, déi anerwäerts bei de CFL sollen eng Plaz fannen.

D'Gewerkschaftsvertrieder Mylène Bianchy vum Syprolux a Georges Melchers vum Landesverband waren um Bord vun der Pressekonferenz vun e Méindeg de Moie méi oder manner zefridden iwwert d'Annonce vum Zoumaache vun den 8 Verkafspunkten:

AUDIO: Mylène Bianchy (Syprolux) a Georges Melchers (Landesverband)

E Méindeg waren et soss nach d'Ukënnegungen, dass d'Personal, dat an direktem Kontakt mam Client ass, bis e Mëttwoch mat engem Tablet equipéiert gëtt an dass et doriwwer eraus méi Iwwerwaachungskameraen, méi Wi-Fi an donieft nach SOS-Bornë wäert ginn.