Während de leschte Wochen gouf vill ronderëm d'Ënneschtgaass an der Stad geschafft. Nom Enn vun dësen Aarbechte kënnt et zu Changementer am Verkéier.

Um Samschdeg ass d'Rue Chimay nees fir den Trafic opgaangen. D'Automobiliste kënnen elo vum Boulevard Roosevelt an dës Strooss ofbéien. Nei ass, datt eng Spur dobäi komm ass.

Vun elo u kann een dann och vum Boulevard Roosevelt iwwer d'Chimay Strooss an d'Ënneschtgaass fueren. Fir d'Vëlosfuerer gouf an der Ënneschtgaass eng Spur amenagéiert. Duerch dës Changementer falen d'Parkingsméiglechkeeten fir Privatautoen ewech. Hei däerfen an Zukunft nëmme méi Taxie parken an op där anerer Säit ass Parkraum fir d'Livreuren. Néideg goufen dës Ännerunge wéinst den Aarbechte vum Tram.

Iwwer de Mount August ginn d'Changementer ronderëm d’Ënneschtgaass getest. Adaptatioune kéinten awer zu all Moment gemaach ginn, sou de Stater Verkéiersschäffen Patrick Goldschmidt.