Et gëtt wuel kaum en Automobilist, deen net schonn emol en Déier ugestouss huet oder ee blesséiert oder doudegt Déier op der Strooss gesinn huet leien.

Et gëtt wuel kaum een Automobilist, deen net schonn eng Kéier en Déier ugestouss huet oder op d’mannst e blesséiert oder doudegt d'Déier op der Strooss gesinn huet leien.

Praktesch dat ganz Joer iwwer sollt een, besonnesch wann ee laanscht Bëscher oder Felder fiert, extra gutt oppassen a méi lues fueren. Virun allem am Hierscht, wann et méi fréi däischter gëtt an am spéide Wanter, ugangs Fréijoer, wa Paarungszäit bei den Déieren ass, ass d’Gefor stënterlech, vun engem Déier op der Strooss iwwerrascht ze ginn, méi grouss.

Fir ze verhënneren, dass Déiere sech a Gefor bréngen an de Verkéier perturbéieren, ginn et ënner anerem rout a blo Reflekteren op de Pottoe laanscht d’Stroossen. Eng Etüd huet allerdéngs erginn, dass dës net zu enger Reduktioun vu Wëldaccidenter bäidroen. Eng aner Mesure fir Déieren vun der Strooss ewech ze hale si sougenannt Wëldbrécken oder Oekobrécken. Duerch dës bleift groussen a klengen Déieren e sécheren Accès op déi aner Säit vum Bësch oder Feld garantéiert.