Am Kader vu den Aarbechten am Tunnel Gousselerbierg, gouf de Méindeg, 26. August, no 14 Auer um System vum Feieralarm geschafft.

Tëscht dem Echangeur Luerenzweiler an dem Echangeur Huelmes gouf den neie Brandmeldekabel getest a gekuckt, ob en der Norm entsprécht. An engem Reglement vun 2006 gouf festgehalen, dass d'Feier spéitstens no enger Minutt muss an der Zentral gemellt ginn. Ewéi erwaart, huet et eng Minutt gedauert, bis ugewise gouf, dass et brennen géing. Sämtlech Sécherheetsmesure goufen agehalen, fir dass d'Aarbechten den Trafic net perturbéiert hunn.

D'Ponts et Chaussées haten am Virfeld ugekënnegt, dass et méiglech wier, dass schwaarzen Damp um Enn vum Tunnel ze gesi wier. Virum Brand gouf d'Ventilatioun op de Maximum vu 5 Meter d'Sekonn eropgesat. D'Loft, déi doduerch produzéiert gouf, sollt d'Loft vun den Autoen imitéieren, déi och am Normalfall duerch den Tüb fueren.

Nodeem d’Ventilatoren op Héichtoure gelaf sinn, goufe se direkt nees ausgemaach, well d'Feier soss net ugaange wier. Dunn hunn d'Pompjeeë Bensin an e Gestell aus Eise geschott an dat Ganzt ugefaangen. Den zweetlängsten Tunnel vun der Nordstrooss, dee ronn 2.700 Meter laang ass, war voller Damp.

Brandtest am Gousseler Tunnel

Wat geschitt, wann et eemol wierklech am Tunnel brennt?

Wéi de Raymond Seburger vun de Ponts et Chaussée erkläert, gëtt fir d'éischt den Tunnel gespaart, wann de Feieralarm bis ausgeléist ginn ass. Esou ka keen Auto méi an den Tüb erafueren. An engem zweete Schratt gëtt d'Beliichtung ugemaach an d'LED-Luuchten op de Bordüre fänken u mat blénken. Da ginn d'Chauffere gewarnt, dass et brenne géing. Si sollen hiert Gefier verloossen a sou schnell wéi méiglech an dat anert Tunnel-Rouer goen.

Am Tunnel Gousseler Bierg leeft den Trafic zënterhier op zwou Spuren. An e puer Deeg gëtt de Brandtest am zweeten Tunnel-Rouer duerchgefouert.

All Kéier, wann en neie Kabel ukënnt, gëtt e Feiertest duerchgefouert, sou de Raymond Seburger. Domatt soll sécher gestallt ginn, dass déi ganz Prozedur normgerecht verleeft.

D'Aarbechte wäerte bis de 15./16. September daueren. Bis dohi sollen d'Autosfuerer op de Radar oppassen, deen am Tüb Richtung Stad steet.

Offizielle Communiqué vun de Ponts et Chaussées

Test du nouveau câble d'incendie au tunnel Gosselerbierg (26.08.2019)

Communiqué par: Administration des ponts et chaussées

Dans le cadre des travaux de refonte du tunnel Gosselerbierg, un test du nouveau câble de détection d'incendie, qui permet de détecter un éventuel foyer d'incendie, sera effectué le lundi 26 août à partir de 14 heures dans le tube en provenance de l'échangeur Lorentzweiler et en direction de l'échangeur Schoenfels.

L'Administration des ponts et chaussées tient à informer qu'il se peut que de la fumée opaque sorte du tube au moment de l'exercice. Toutes les mesures de sécurité nécessaires seront prises, de façon à ce que ce test n'aura aucun impact sur le trafic.