Tëscht dem Gaasperecher Kräiz an der Aire de Berchem huet et e Mëttwoch gestaut, dat wéinst engem Accident an deem 3 Gefierer dran involvéiert sinn.

E Mëttwoch de Mëtteg koum et op der A3 a Richtung Frankräich zu engem Accident mat 3 Gefierer, dat kuerz virun der Aire de Berchem.

D'Iwwerhuelspur war blockéiert. De Réckstau vun deelweis 15 Kilometer goung zeréck bis op d'Gaasperecher Kräiz a bis erop op d'A1, dat bis bei d'Sortie Kierchbierg. Wéi et heescht, gouf et beim Accident keng Blesséierter.

Mëttlerweil ass den Accident awer geraumt, sou dass et hei nees dierft rullen.