Déi Gréng haten d'Ofstëmmung am däitsche Bundestag gefrot. Maximum Tempo 130 sollt hirer Meenung no vum 1. Januar u gëllen.

Et ass zanter éiweg en Thema an Däitschland, och e Sträitthema... an deene meeschte Länner ass d'Vitess op der Autobunn limitéiert, an Europa iwwerall, mä an Däitschland gouf dat bis ewell verhënnert. Op 70% vun den däitschen Autobunnen däerf ee sou séier fuere wéi ee wëll.

Déi Gréng haten elo d'Ofstëmmung am däitsche Bundestag gefrot. Déi däitsch Regierung hat dat awer scho refuséiert. Trotz de Pläng fir méi Klimaschutz. D'Autoindustrie ass déi wichtegsten Industrie an Däitschland.

Beim Vott um Donneschdeg hu 498 Deputéiert dergéint gestëmmt, 126 derfir bei 7 Enthalungen