2018 ass d'Fro fir d'éischt opgeworf ginn, 2 Joer méi spéit gëtt et elo Realitéit: Zu Lëtzebuerg ass den ëffentlechen Transport gratis.

De Grand-Duché gëtt dat éischte Land weltwäit, wou dës Mesure ergraff gëtt. Ob fir Awunner, Frontalieren oder Touristen... et ass een Dag, deen an d'Geschicht ageet. An dee soll dann och uerdentlech gefeiert ginn!

Dofir huet ee sech eppes Besonnesches afale gelooss. Samschdeg, den 29. Februar ass ee grousse gratis Concert um Site vum "Neien Tramsschapp" um Kierchbierg. Mat dobäi sinn eng helle Wull u Lëtzebuerger Artisten, wéi ënnert anerem den Edsun, Serge Tonnar, Michel Reis, Nicool, Stayfou, Tuys an DJen. Ma och op Garen am Land, wéi och an Tram, Zuch a Bus ginn insgesamt 22 Lëtzebuerger Museker Mini-Concerten. Fir Iessen a Gedrénks ass och gesuergt.

Bedéngt duerch d’Meteoskonditiounen, déi fir e Samschdeg de Mëtteg ugesot sinn, ginn et verschidden Ännerungen am musikalesche Programm. D’Open-Air-Bühn zu Ettelbréck fält leider ganz ewech. Den aktualiséierte Programm fannt Dir op www.mobilitegratuite.lu.

Gratis ëffentlechen Transport vun e Samschdeg un
Well een d'Ännerunge grouss feiere wëll, wäerten e Freideg Concerte fir de gratis ëffentlechen Transport ginn.

D'Kolleege vun RTL Today hate schonn zwou Bands virgestallt

RTL Introduces...EDSUN
This week, and just ahead of the release of his latest EP 'YOUR ARE NOT JUST ONE THING', RTL meets rising star EDSUN.
RTL Introduces - Tuys
We meet an indie band from Luxembourg with influences including danceable and catchy indie to more alternative rock with a harder and progressive edge.

LISER mécht Ëmfro iwwer ëffentlechen Transport

Am Kader vun der Ëmstellung op de gratis ëffentlechen Transport huet de LISER e Froekatalog op d'Bee gestallt, fir erauszefannen, wéi zefridden d'Leit mam ëffentlechen Transport sinn a wat hir Prioritéite sinn.