Mat engem neie Gesetz solle Leit, déi e Refus fir hir Adapto-Kaart kritt hunn, Recours géint d'Decisioun kënnen aleeën.

Et wier eng grouss Reform an do wier et normal, dass net vun Ufank un alles kéint glat lafen. Esou kéint een d'Positioun vun der Regierung zum Thema "Adapto" resuméieren.

Wichteg wier et awer séier op eventuell Problemer ze reagéieren an dat hätt een och gemaach, betount den zoustännege Minister François Bausch. Zum Beispill hätt een d'Telefonslinnen an d'Personal bei der Mobilitéitszentral opgestockt, nodeems een uganks mat där grousser Nofro iwwerrannt gi wier. Fir déi Leit, déi bis ewell e Refus fir hir Adapto-Kaart kritt hunn ass et déi virleefeg gutt Noriicht, dass keen eng Kaart ewechgeholl kritt, bis eng Méiglechkeet besteet géint dës Decisioun Recours anzeleeën. Dës Méiglechkeet gëtt mat engem Gesetz geschaaft, dat schonn um Instanzewee ass a viraussiichtlech nach virum Summer kéint gestëmmt ginn.

Adapto/Reportage Maxime Gillen

D'Ëmstellung beim Adapto op de gratis ëffentlechen Transport hat jo fir gréisser Opreegung gesuergt, well domat eng Rei Leit hir Kaart fir dëse Service refuséiert kruten. Obschonn den Adapto och scho virdrun nëmme fir behënnert Leit geduecht war, hunn och eng Partie eeler Leit, déi net méi esou gutt sinn, op dee Service kënnen zeréckgräifen. An domat soll elo Schluss sinn.

Vun elo u muss den Dokter kloer deklaréieren, dass eng betraffe Persoun net méi mobil genuch ass, fir den normalen ëffentlechen Transport kënnen ze huelen, fir dass dës Persoun den Adapto dierf notzen. Eng Reegel, déi net nei ass, ma trotzdeem net fir jidderee gegollt huet, wéi de Minister erkläert: "Dat hei ass e laangen Historique. Déi Reegele goufen oft geännert. Déi richteg Critèrë sinn eréischt agefouert ginn zu engem vill méi spéiden Zäitpunkt. Dat war 2015. Mä déi funktionéieren awer elo zanter enger Rei Joren, mä mir haten nach Leit an de Karteien, déi fréier ganz locker dat kritt hunn, mä déi eigentlech awer net ënnert de Critère gefall sinn. Well déi elo bei den Dokter gaange sinn an de Formulaire warscheinlech net ausgefëllt kritt hunn, hei drënner gefall."

De Leit d'Kaart vun engem Moment op deen aneren ewechzehuelen, ouni eng Alternativ ze bidden, dat géif net funktionéieren, esou den LSAP-Deputéierte, Mars Di Bartolomeo: "Dofir d'Iddi, déi mir formuléiert hunn, dass ee kann e Guichet unique maachen. Wann dat eent net a Fro kënnt fir deen, dee wierklech e seriöe Problem huet, fir dee kënnen op aner Solutioune weiderzeleeden."

Eng Propositioun, déi de Minister akzeptéiert huet an och ëmsetze wëll. Eng weider Propositioun koum vun der DP, fir d'Iwwergangsphas esou laang ze verlängeren, bis en neit Gesetz gestëmmt ass, duerch dat eng Instanz geschaaft gëtt, wou ee beim Refus vun enger Adapto-Kaart ka reklaméieren. Ma allgemeng wier dës Ëmstellung vum Adapto iwwerstierzt an net laang genuch preparéiert ginn, fënnt den CSV-Deputéierte Marco Schank: "Mir soen och, alles huet Ulafschwieregkeeten, awer hätt ee mengen ech hei e bësse méi wäit misse gesinn, well eng Rei Saachen huet een awer gesi kommen."

Fir de Minister dogéint ass virop wichteg, dass ee séier an effikass op Problemer reagéiert, déi an der Ufanksphas entstinn. An dat hätt een och gemaach.

Offiziellt Schreiwes

Réforme du transport « Adapto » : prolongation de la phase transitoire (5.03.2020)
Communiqué par: ministère de la Mobilité et des Travaux publics

La Commission de la Mobilité et des Travaux publics et la Commission des Pétitions a eu un échange de vues aujourd'hui avec Monsieur le Ministre François Bausch au sujet de la réforme du transport « Adapto ».

Suite au débat très constructif, il a été convenu d'accorder une phase de transition générale pour l'introduction des demandes d'accès au service.

Les personnes qui ont bénéficié du transport « Adapto » avant le 1er mars 2020 et qui introduisent une demande « Adapto » moyennant le nouveau formulaire, recevront une nouvelle carte provisoire valable jusqu'au 31 décembre 2020. Les personnes qui remplissent les critères d'accès recevront une carte définitive.

Les demandes introduites moyennant le nouveau formulaire par des personnes déjà bénéficiaires de l'ancienne carte Adapto, mais qui ont été refusées, seront réévaluées.

Le service « Adapto » peut être joint aux numéros de téléphone suivants :

247-84408

247-84475

247-84976

ou par mail: adapto@tr.etat.lu

Il est également porté à la connaissance du public que les services du Call-Center pour les réservations de trajets ont été renforcés en personnel ainsi qu'en lignes téléphoniques.

Le 5.03.2020, la plateforme centrale de réservation comptait 3.285 clients, et 12.600 trajets ont été réservés.
Une application web et mobile (App store, Google play) est disponible pour le client qui peut y consulter ses réservations.

A partir de la fin de la semaine prochaine, le client aura également la possibilité de réserver ou de modifier ses trajets avec cette application.

Il est rappelé qu'au cours de l'année 2019, 4.786 clients ont utilisé un transport Adapto et le budget de l'Etat pour ce service s'étant élevé à 13.032.079,46 euros.