Wéi d'Administration des bâtiments publics wësse léisst, gëtt vun e Méindeg un am ënnerierdesche Parking Saint-Esprit an der Stad geschafft.

Zanter e Méindeg ginn et eng 160 Parkplaze manner an der Stad a bis Enn vum Joer wäerten nach emol eng knapp 400 Plazen ewechfalen. De Parking Saint-Esprit ass nämlech fir déi nächst 18 Méint fir dréngend Renovatiounsaarbechten zou. D'Restaurateuren an deem Eck fäerten elo, datt si ënnert dëser Fermeture leiden. Leschte Mëttwoch gouf offiziell matgedeelt, dass den Helleggeescht-Parking vun e Méindeg un zou wär, eng Nouvelle déi wuel net jiddwer Automobilist matkrut. Zënter Mëtternuecht gi keng Visiteure méi eragelooss, fir d'Abonnente ginn d'Barrièren nach bis Enn vum Joer op, duerno mussen och si sech Alternative sichen. Da sti 550 Autoen op der Strooss.

De Méindeg de Moie gouf um -3 schonn direkt mat den éischte Preparative vum Chantier ugefaangen. An de leschten 30 Joer huet d'Substanz gelidden: schwéier Autoen, Waasser, Salz. Dofir mussen elo d'Bëtongsdallen dréngend ersat ginn.

"Et ass definitiv elo um Punkt, wou agegraff muss ginn. D'Schied sinn do a wat mir méi laang waarden, wat déi ëmmer méi séier viruginn, esou dass d'Käschte méi héich ginn an den Agrëff méi héich gëtt. Dofir ass et de Moment, fir eppes ze maachen.", esou de Marc Barthelmé, Ingénieur vu Bâtiments Publiques.

Dofir wär et och keng Alternativ gewiescht, um Helleggeescht ze waarden, bis de vergréisserte Parking um Knuedler fäerdeg ass.

D'Restaurateuren an d'Wiertsleit ronderëm de Parking an ënnen am Gronn beschwéiere sech. Si wären ze spéit informéiert ginn a grad an dëse schwieregen Zäite wär d'Fermeture vun esou engem wichtege Parking net hëllefräich.

"Ouni de Parking ass de Saint-Esprit e verluerenen Eck. Et ass net grad vill Passage hei, ausser eben d'Leit, déi an deem Parking parken. Vun dohier ass de Parking e ganz wichtege Punkt fir eis.", erkläert d'Kim Mathekowitsch, déi e Restaurant direkt nieft der Cité Judiciaire huet.

E Chantier an Etappen, ouni komplett Fermeture, wéi d'Geschäftsleit sech dat wënschen, ass ënnert anerem wéinst dem ville Stëbs net méiglech. An de Reproch vun enger schlechter Kommunikatioun loossen d'Batiments Publiques net gëllen: "Dat war keng Absicht. Mä et mécht net vill Sënn, fir dat méintelaang am Viraus unzekënnegen, well wann et dann esouwäit ass, hunn d'Leit vergiess, dass de Parking zou ass.", esou de Marc Barthelmé.

Bei der Stad Lëtzebuerg war een och vun der Urgence vun den Aarbechten iwwerrascht, mä et probéiert een ze berouegen. De Verkéiersschäffe Patrick Goldschmidt betount: "Ech hu scho mat Restaurateuren, déi hei ronderëm sinn, geschwat. Si solle mat hire Clientë schwätzen, dass déi eventuell op der Gare am Parking Neipperg parken. Dat ass dee modernste Parking an der Stad a wou ee mat engem Busarrêt um Parvis vun der Kathedral."

Donieft géif et an der Uewerstad e Parking ginn, wou all Dag eng 500 Plazen eidel stinn: den Hamilius. D'Stad Lëtzebuerg hofft, dass dee Bedreiwer seng Präispolitik adaptéiert, fir dass Dagestickete méi bëlleg ginn.

De Käschtepunkt vun de Renovatiounsaarbechte läit bei viraussiichtlech bei 6,5 Milliounen Euro (TTC).

Communiqué

Fermeture du parking souterrain Saint-Esprit au grand public à partir de lundi 19 octobre 2020

Communiqué par: ministère de la Mobilité et des Travaux publics L'Administration des bâtiments publics tient à informer que le parking souterrain Saint-Esprit sera fermé au grand public à partir de lundi 19 octobre 2020 pour rénovations.

La durée prévisionnelle des travaux est de 18 mois et le parking sera fermé au grand public pendant toute la durée des travaux.

Les travaux comprennent la rénovation des cages d'escalier, rampes, dalles en béton et sols. Le parking sera complètement repeint et équipé de nouveaux ascenseurs. L'éclairage complet et certaines installations techniques seront entièrement renouvelés.

Le budget prévisionnel pour tous ces travaux est de 6,5 millions d'euros TTC.