Fir sécher duerch de Wanter ze kommen, kënnen Automobilisten hir Luuchten a Pneuen nees kontrolléiere loossen.

Bis den 13. November bidde Garagen, Kontrollstatiounen an den ACL dëse Service un. D'Campagne "Wanterzäit 2020" leeft nach bis den 31. Dezember. D'Police wäert verstäerkt Kontrolle maachen, ob d'Pneuen de Wieder- a Stroosseverhältnisser entspriechen an ob d'Luuchte funktionéieren.

Beim ACL gëtt donieft och den Zoustand vun der Batterie getest. Dëst maachen d'Techniker vum Automobilclub gratis, dat op de verschiddenste Plazen am Land, all Dag tëscht 10.30 an 18 Auer.

03.11.2020 : City Concorde Bertrange
04.11.2020 : Cactus Bascharage
05.11.2020 : Cactus Bascharage
06.11.2020 : Shopping Center Knauf Pommerloch
09.11.2020 : Cactus Howald
10.11.2020 : City Concorde Bertrange
12.11.2020 : Cactus Bettembourg