Et ass d’Entrée fir an d’Stad, wann ee vun der A1 kënnt. Do kann een ëmklammen op de Bus, Tram oder Vëlo.

E Méindeg ass den neien, héije Parking bei der Gare Luxexpo um Kierchbierg opgaangen. Knapp 600 Autoe passen op déi 5 Etage vum neie Parking. 16 Plaze mat Elektro-Bornë gëtt et an et ginn mBoxe fir de Vëlo oder e Locatiounsvëlo.

Zwee kleng Commercë kommen och, fir zum Beispill eppes z'iessen oder ze drénken. E Bancomat an eng PackUp-Statioun sinn och geplangt.