Et bréicht e politeschen Aktiounsplang, fir systematesch géint d'Phänomen vun der Gewalt géigeniwwer dem Personal am ëffentlechen Transport virzegoen.

Dës Revendicatioun fuerdert den Onofhängege Gewerkschaftsbond en Dënschdeg an engem Communiqué.
Wéi d'Sektioun "Transport" vum OGBL am Schreiwes matdeelt, géif d'Personal am ëffentlechen Transport net genuch protegéiert ginn. Nach e Sonndeg wieren zu Beetebuerg zwee Chaufferen attackéiert ginn.

D'Pläng vum zoustännege Ministère, fir Kabinnen ze installéieren, wieren zwar ze begréissen, ma de Schutz fir d'Chauffere misst awer nach méi wäit goen, och bausst dem Bus.