Dat war an der leschter Nuecht. Ma och e Méindeg kann et am Laf vum Dag a vum Owend nach plazeweis glat ginn, wéinst Glëtz, Schnéi oder Schnéireen.

Am Stroosseverkéier huet et an der Nuecht op e Méindeg geheescht, besonnesch virsiichteg ze sinn. Et koumen e sëllege Meldungen, dass Glëtz fält, respektiv Schnéi. Sou Meldunge koumen am Laf vum Sonndeg den Owend aus dem Raum Colmer-Bierg, Angelduerf an Ettelbréck. Et goufen och Meldungen aus der Clierfer Regioun, dass d'Stroosse spigelglat wieren. Et heescht also oppassen!

Och vun der Musel gouf gemellt, dass Äisreen erofkënnt. Bei de killen Temperaturen de ganzen Dag, kann dat ganz séier zu enger Äisschicht op de Stroosse féieren.

Vu Meteolux koum dann och eng Alerte jaune fir den Norde vum Land. Hei gouf gewarnt, dass tëscht 21 Auer an Hallefnuecht Schnéi kéint falen, dee plazeweis och kéint leie bleiwen. Rieds war vun enger dënner Couche vun 1-2 Zentimeter.

Op verschiddene Plazen am Land louch e Méindeg de Moien dann och Schnéi, dat ënnert anerem zu Wëntger.

RTL

Important Weather conditions

Tweet kachelmann