Dat Europa, dat mir wëllen, dat ass sozial, dat sot d'DP-Parteipresidentin Corinne Cahen e Samschdeg de Moien um Europakongress vun deene Bloen zu Walfer.

D'DP geet mam Slogan "Sozial. Liberal. Europäesch" an d'Europawalen. Déi zwee Spëtzekandidate sinn de Charles Goerens an d'Monica Semedo.

Europakongress vun der DP
D’DP geet mam Slogan “Sozial. Liberal. Europäesch” an d’Europawahlen. Dei zwee Spëtzekandidaten sinn de Charel Goerens an d’Monica Semedo.

Wann Europa e Friddens- an een Zukunftsprojet soll sinn, da misst Europa ganz séier méi sozial a solidaresch no bannen an no baussen ginn, huet d'Corinne Cahen betount.

Do misst een awer als éischt kucken, datt een als Land seng Hausaufgaben mécht. Dat hätt een awer bis elo gemaach, well d'Regierung ënnert anerem duerch den Impuls vum Xavier Bettel zënter 2013 massiv investéiert hätt. Beispillsweis goufen d'Steiere gesenkt an d'Kafkraaft vun de Leit gouf gestäerkt. Déi liberal Wäerter wieren awer méi gefrot wéi jee, esou nach d'Corinne Cahen.

Déi gréissten Erausfuerderungen wier et, deene Jonken an zukünftegen Generatiounen an de nächsten Joeren e gudd Liewen z’ermeiglechen. Dat kéint een awer just erreechen, wann een zesummen géif schaffen. Et wéilt een awer och dei Jonk op den Aarbechtsmaart vu muer preparéieren. Eng weider Erausfuerderung wier d’Digitaliséierung.

Nieft deenen zwee Spëtzekandidaten, Charles Goerens a Monica Semedo, heeschen déi aner Kandidaten Gusty Graas, Simone Beissel, Loris Meyer an Anne Daems. D’Prioritéite sinn ënnert anerem e jonkt an innovativt Europa, grad ewéi eng gemeinsam Stäerkung vun der Unioun.