Déi alternativ demokratesch Reformpartei hat um Sonndeg op hiren Nationalkongress an de Centre Culturel op Useldeng invitéiert.

Hei goufen déi 6 Kandidate fir d’Europawalen - 3 Männer an 3 Fraen - nach emol presentéiert a mat enger Majoritéit vun de Memberstëmme confirméiert.

D’adr mécht sech staark "Fir en Europa vun den Natiounen“
Déi alternativ demokratesch Reformpartei hat um Sonndeg op hiren Nationalkongress an de Centre Culturel op Useldeng invitéiert.

Et hätt een als adr déi beschte Kandidatelëscht vun alle Parteien, sot de Spëtzekandidat Gast Gibéryen. Seng Partei géif awer och op e gudde Programm setzen, dee géint e federalen europäesche Zentralstaat ausgeriicht wier.

Den adr-Deputéierten huet d’Geleeënheet och genotzt, fir op déi national Politik anzegoen an do ënner anerem op d’Walanalys vum fréieren CSV-Parteipresident Marc Spautz an déi sëlleche Feeler, déi en a sengem Dokument opgelëscht huet.

De Programm wëll d'adr de 25. Abrëll noliwweren.