D'Katharina von Schnurbein ass Antisemitismus-Beoptraagt fir d'EU.

"Antisemitismus ass net just e Problem vun de Judden, mä e Problem fir eng offe Gesellschaft", seet d'Katharina von Schnurbein.

Antisemitismus klëmmt an der EU an den Job vun der Katharina von Schnurbein ass et, Moossnamen auszeschaffen, fir dogéint virzegoen.

E Mëttwoch war si zu Lëtzebuerg fir en "Dialogue Citoyen" am Cercle Cité, zesumme mam Ambassadeur Georges Santer, President vun der "International Holocaust Remembrance Alliance".

Virdrun hat si RTL en Interview ginn.