Déi aktuell Situatioun am Golf vum Oman stoung um Méindeg um Ordre du Jour vum EU-Ausseminister-Conseil hei zu Lëtzebuerg.

„Mir sinn Ausseminister. Ons Missioun ass et Kricher z'evitéieren“, esou de Jean Asselborn, nom Conseil vun den EU-Ausseminister e Méindeg zu Lëtzebuerg.

Natierlech goung et ëm d'Kris am Golf vum Oman.

AUDIO: Jean Asselborn um Conseil

"An dofir muss een oppassen, datt een zesumme mat den aneren arabesche Länner probéiert ze berouegen. An datt een aus der rezenter Geschicht leiert, dem leschten Irak-Krich."

E Krich tëscht den USA an dem Iran ass onwahrscheinlech, mengt de Lëtzebuerger Diplomatiechef.

Éischtens: d'Amerikaner reduzéieren hir Truppepresenz an der Regioun. Zweetens: den Iran géif e Krich ekonomesch nëmme schwéier packen.

© MAEE

An awer heescht et bremsen a berouegen, well d'Extremiste kéinte vun den aktuellen Tensioune profitéieren.

D'EU wëll elo ofwaarden, wat eng onofhängeg Enquête vun den Attacken op d'Pëtrolstanker ergëtt. Sou eng huet den UNO-Generalsekretär Guterres gefuerdert.

AUDIO: Jean Asselborn iwwert d'Attacken

"Déi Schëffer si ganz prezis attackéiert ginn, do wou kee blesséiert gouf. Wann nämlech Leit ëmkomm wieren, wier d'Situatioun eng ganz aner. Wou d'Bommen hir koumen, dat weess kee genee. An op dat eng Kéier sécher gewosst ass, ass och eng aner Froo."

En Dënschdeg reest d'EU-Chefdiplomatin op Washington. D'Federica Mogherini wäert do den Appell maachen, fir op Krichsrhetorik ze verzichten.

D'Récktrëtts-Ausoe vum Minister Kersch, am Fall vun engem Krich mat Lëtzebuerger Bedeelegung, wollt de Jean Asselborn net kommentéieren.

© MAEE

De Communiqué vum Ausseministère

Le ministre des Affaires étrangères et européennes, Jean Asselborn, a participé au Conseil «Affaires étrangères» (CAE) de l’Union européenne, qui s’est tenu le 17 juin 2019 à Luxembourg.

Le CAE a débuté sa session par un débat sur les questions d’actualité, ce qui a permis aux ministres de passer en revue les problèmes pressants à l’ordre du jour international. La discussion a porté entre autres sur le Venezuela.

Le Conseil s’est penché ensuite sur les moyens d’améliorer l’efficacité de la politique étrangère et de sécurité commune (PESC) face aux défis géopolitiques auxquels l’UE et ses États membres sont confrontés collectivement.

Les ministres des Affaires étrangères ont été rejoints par les ministres de la Défense pour tenir un débat approfondi sur la Stratégie globale de l’UE. Ce débat a été l’occasion de faire le point sur les progrès accomplis depuis la présentation de la stratégie en juin 2016 et de réfléchir aux perspectives qui s’offrent pour les années à venir.

Le chef de la diplomatie luxembourgeoise a souligné l’impératif de «développer une action stratégique et durable qui nous permette de défendre nos intérêts tout en promouvant nos valeurs et nos principes, en particulier les droits de l’homme et l’État de droit.»

Rappelant qu’il est crucial que l’Union européenne œuvre constamment, avec ses partenaires dans toutes les régions du monde, au renforcement d’un multilatéralisme efficace - avec les Nations unies en son centre - le ministre Asselborn s’est félicité que le Conseil a adopté des conclusions sur ce point.

De plus, le ministre a mis en exergue que «l’approche intégrée est un avantage comparatif indéniable de l’Union européenne. Elle doit rester le fil rouge de notre stratégie globale». Il a rappelé que le Luxembourg fait valoir cette approche à travers sa politique des 3D, diplomatie, défense et développement. «Le rapport d’évaluation de la stratégie globale met en exergue, à juste titre, la nécessité de bien appliquer cette approche intégrée au Sahel», a fait remarquer le ministre Asselborn.

Pour conclure la session de la matinée, les ministres des Affaires étrangères ont examiné la situation au Soudan. Le Conseil a adopté une déclaration au sujet de la crise dans le pays. Le Luxembourg condamne dans les termes les plus forts le récent déferlement de violence dans les rues de Khartoum lors des manifestations populaires et pacifiques, le 3 juin dernier. Le Luxembourg estime que la responsabilité en incombe au Conseil militaire de transition (CMT) en tant qu'autorité chargée de protéger la population. 

Au cours du déjeuner, les ministres des Affaires étrangères ont évoqué avec leur homologue de la Jordanie, Ayman Safadi, la situation au Moyen-Orient, notamment le processus de paix, les tensions dans le Golfe et la situation en Syrie. À cette occasion, le ministre Asselborn a souligné que la Jordanie est un partenaire important pour l’Union européenne et un pôle de stabilité dans une région fortement marquée par des crises. «Nous devons continuer de faire acte de solidarité et de soutenir la Jordanie, qui elle continue de faire preuve d’une immense générosité en accueillant des millions de réfugiés syriens, irakiens et palestiniens», a déclaré le ministre. 

Avant le déjeuner, le ministre Asselborn a eu une entrevue bilatérale avec le ministre Safadi afin de faire le point sur l’actualité dans la région du Moyen-Orient, notamment les tensions dans le détroit d’Ormuz et le processus de paix.

Le ministre Asselborn a rappelé «qu’il faut signaler clairement, et d’une seule voix, qu’une paix économique sans perspective politique ne peut pas durablement résoudre le conflit israélo-palestinien. L’horizon politique de la solution à deux États est indispensable». Le ministre a également exprimé son soutien à l’agence UNRWA pour qu’elle puisse continuer à fournir des services sociaux de base à des millions de réfugiés palestiniens. Dans ce contexte, le ministre a informé son collègue jordanien que le Luxembourg a décidé d’augmenter ses contributions volontaires à l’UNRWA de l’ordre de 10%.

Am Virfeld vum Conseil

Mat um Dësch souz dann och de Lëtzebuerger Ausseminister Jean Asselborn. Ausléiser sinn déi presuméiert Attacken op zwee Pëtrolstanker Enn d'lescht Woch. D'USA, Groussbritannien a Saudi-Arabien maachen den Iran fir d'Attacke responsabel.

Am Fall vun der Attack op zwee Tanker am Golf vum Oman, zeechent sech an der EU keng gëeenten Ënnerstëtzung fir déi amerikanesch Reprochë géintiwwer dem Iran of.

Fir den Optakt vum EU-Ausseministerconseil hei zu Lëtzebuerg hunn d'Ministere däitlech gemaach, dass si den Ament keng Conclusioune wëllen zéien. Et géif ee weiderhin Informatioune sammelen, sou den däitschen Ausseminister Heiko Maas. Et géif een d'Resultater vun den amerikaneschen a britesche Geheimdéngschter kennen, et wier awer keng Decisioun geholl ginn.

Am Virfeld vun der Reunioun vun dësem Méindeg, hat de Jean Asselborn drop higewisen, dass dës Attacken am Detail missten opgekläert an déi Schëlleg zur Rechenschaft gezu ginn. Et géif een den Appell vum UNO-Generalsekretär Antonio Guterres ënnerstëtzen, dass eng onofhängeg Enquête lancéiert gëtt. De Jean Asselborn betount, dass et elo wichteg wier, net mam Fanger een op den aneren ze weisen, mä dass sech déi eenzel Acteure sollten zeréckhalen an dofir suergen, dass d'Situatioun net eskaléiert. Eng Konfrontatioun am Golf vum Oman géif de Fridden an d'Sécherheet an där betraffener Regioun a Gefor bréngen.

De Lëtzebuerger Ausseminister hofft, dass déi Betraffe klore Kapp behalen a sech net op militäresch Aktiounen aloossen.

Hie refuséiert zwar d'Krichsrethorik, mä weess awer och, datt een net mat Allem kann d'Accord sinn, wat am Iran geschitt. Et kéint een net zefridde si mat der Politik vum Iran, sief et mat hirem Rakéiteprogramm oder och nach wat d'Mënscherechter ugeet. Mä am Iran ginn et déi Moderat an d'Extremisten... an ze vill Drock géif déi Moderat net stäerken, mä déi aner. Et dierft een net de selwechte Feeler wéi viru 16 Joer maachen. Et dierft een net mengen, dass ee mat Waffen e Problem am Noen Oste léise kéint.

AUDIO: Jean Asselborn iwwer Situatioun am Iran

De Jean Asselborn huet op den Irakkrich a seng Konsequenze verwisen. De Lëtzebuerger Diplomatiechef huet nach eemol drun erënnert, dass d'USA 2003 op Basis vu Geheimdéngschtinformatiounen, déi bewosst oder onbewosst falsch interpretéiert gi wieren, den Irak eramarschéiert sinn.

Et géif een d'Problemer net ma Waffe léisen mä Diplomatie misst dominéieren, sou nach de Lëtzebuerger Diplomatiechef.

Ee weidere Sujet um Conseil vun den EU-Ausseminister um Kierchbierg ass d'Situatioun am ostafrikanesche Sudan, nodeems de Militär mat Gewalt géint d'Protester virgaangen ass. Donieft beroden d'Minister mat hirem jordaneschen Homolog, Ayman Safadi, iwwert d'Efforte fir de Fridden tëscht Israel an de Palestinenser. Zesumme mat den EU-Verdeedegungsminister zéie si donieft Bilan vun der europäescher Aussen- a Sécherheetspolitik, déi virun 3 Joer nei ausgeriicht gi war. Bei den Diskussiounen dobäi ass de Verdeedegungsminister François Bausch.

Wat ass bis elo geschitt, wat ass gewosst?

De Konflikt mam Iran
Wéi koum et zu dësem Konflikt, wat ass d'Virgeschicht?

Och Groussbritannien a Saudi-Arabien si séier mat de Reprochen nogeréckelt.  E Video vun der US-Navy soll nämlech weisen, wéi e Boot vun den iranesche Revolutiouns-Gardë bei ee vun den zwee Pëtrolstanker bäifiert.  D’Männer u Bord sollen eng Haftminn, déi net explodéiert ass, erof geholl hunn.

AUDIO: Wat ass bis elo geschitt? - Rep. Danielle Goergen

Op dëst dann elo beweise soll, datt d’Attacke vun iranescher Säit koumen, bleift a Fro ze stellen.  Den Equipage vun engem vun den zwee Tanker hat eegenen Aussoen no jo virun den Attacken eppes duerch d’Loft fléie gesinn.

Dem amerikaneschen Noriichte Sender CNN no, wier d’ Vertrauen an déi amerikanesch Geheimdéngschter enorm geschiedegt.  Zanter deem d’US-Amerikaner op Base vu falschen Informatiounen am Irak eramarschéiert waren, wier d’Mësstrauen an dësen Affären immens grouss.  Och géing de President Trump mat senge gemëschten Aussoen der Credibilitéit net grad hëllefen.

Den däitsche SPIEGEL Online ënnersträicht virun allem, datt d’Reprochë géint den Iran ouni konkret Beweiser gemaach goufen.  Hei gëtt och den engleschen Ausseminister Jeremy Hunt zitéiert an zwar, datt ee sech “bal sécher” wier, datt den Iran fir den Ugrëff schëlleg wier.

D’Attacken am Golf vun Oman waren net déi éischt.  Schonns virun e puer Woche gouf en Pëtrolstanker geschiedegt.  Vill Aussoen also, trotzdeem bleift Villes nach onkloer.

D’Süddeutsche Zeitung schreift nach an engem Kommentare vun e Méindeg, datt den US-amerikanesche President Trump sech an enger Politik vun de Widderspréch verwéckelt.  Engersäits wéilt hien sech aus Allem eraushalen, anerersäits den Iran awer ënner Drock setzen, ma firwat dann eigentlech?

Ma eppes hätt de President net verstanen, an zwar wat méi Drock vu baussen op den Iran gemaach gëtt, wat d’Revolutiounsgarde méi Pouvoir kritt.  Genee dofir géing et hei net aneschters goen, wéi bei senger mëssrodener Nordkorea-Politik, esou nach de Commentateur an der Süddeutsche Zeitung.