An der EU sinn d'Finnen am zefriddensten, si gi sech 8,1 vun 10 Punkten a leien domat virun den Éisträicher an den Dänen.

D'Leit hei am Land situéiere sech bei 7,6, liicht iwwert der EU-Moyenne vu 7,3. Dat seet eng Etüd vun Eurostat, déi sech op d'lescht Joer bezitt.

Am onzefriddenste sinn d'Leit a Bulgarien (5,4), Kroatien, Litauen a Griichenland.
Allgemeng sinn d'Europäer awer méi zefridde wéi nach 2013.

Wat déi eege finanziell Situatioun ugeet, ginn d'Lëtzebuerger Residente sech 6,9 vun 10 Punkten. D'Dänen, d'Finnen an d'Schwede si finanziell am zefriddensten.

A bal alle Länner huet déi finanziell Zefriddenheet zougeholl, net awer an Dänemark, Holland an och net zu Lëtzebuerg.