Den Nicolas Schmit, neie Lëtzebuerger EU-Kommissär zoustänneg fir d'Aarbecht, war e Méindeg zu Lëtzebuerg op Besuch, fir e Bierger-Dialog.

E Méindeg an der Mëttesstonn huet den Nicolas Schmit op der Uni um Belval e Virtrag gehal a sech enger Diskussioun gestallt, déi sech nennt: Den Enjeu ass Europa, den Enjeu si Dir.

Et goung drëms, wéi hie seng Missioun wëll erfëllen, nämlech déi sozial Dimensioun an Europa stäerken.

De Publikum war relativ gemëscht an d'Froen hu sech ëm d'Beschäftegung gedréint, ëm sozial Garantien, ëm d'Aarmut, ëm d'Gläichheet tëschent Mann a Fra an ëm den Mindestloun, deen d'EU-Kommissioun wëll aféieren.

EU-Kommissär Nicolas Schmit fir e Bierger-Dialog op der Uni
Den Nicolas Schmit, neie Lëtzebuerger EU-Kommissär zoustänneg fir d'Aarbecht, war e Méindeg zu Lëtzebuerg op Besuch, fir e Bierger-Dialog.

Den Nicolas Schmit huet ënnerstrach, datt et net d'Zil vun der Kommissioun ass, e Montant ze fixéieren, mä d'Zil wier et, vill méi dofir ze suergen, datt all Mënsch op eng wierdeg Manéier ka liewen. Dat wier den Ament net iwwerall an Europa de Fall, huet den Nicolas Schmit betount.

Den Nicolas Schmit huet donieft annoncéiert, datt "d'Garantie pour la jeunesse", déi et zënter 2014 gëtt a fir déi hie sech och als Aarbechtsminister staark gemaach huet, reforméiert gëtt. Op Nofro hin huet hien och net ausgeschloss, datt d'Alterslimitt vu 25 op 30 Joer an d'Luucht gesat gëtt.

Wat de Chômage am Allgemenge betrëfft, huet de Commissaire vun engem strukturelle Problem an der Europäescher Unioun geschwat. Et géifen eng Millioun Aarbechtsplazen an Europa, déi fräi sinn a fir déi vill Entreprisë keng Leit géife fannen, virun allem am Beräich vun den neien Technologien.

100 Milliarden Euro Budget op 7 Joer verdeelt

D'sozial Dimensioun vun Europa stäerken. Dat ass eng vun de Prioritéite vun der Kommissioun Von der Leyen, déi de Lëtzebuerger Nicolas Schmit bannen den nächste 5 Joer op d'Schinne brénge soll.

Beschäftegung, sozial Ofsécherung, d'Aarmut, an d'Gläichberechtegung tëscht Mann a Fra si konkreet d'Themen, fir déi sech d'Bierger an Europa intresséieren, dat seet den Nicolas Schmit . Den neien EU-Kommissär hat iwwer Mëtteg ee Bierger Dialog um Campus vun der Uni um Belval. Annerhallef Stonn huet sech den LSAP-Politiker Zäit geholl, fir op d'Froen aus dem Publikum z'äntweren.

Fir Moossnamen z'ënnerstëtzen, steet e Budget vun eppes iwwer 100 Milliarden Euro, op 7 Joer, zur Verfügung.

Dee Projet, dee bis elo effektiv fir vill Opmierksamkeet gesuergt huet, ass e Kader, fir Mindestléin an allen EU-Staaten ze schafen. En Challenge; dat krut den Nicolas Schmit bannen de 7 éischte Woche vu sengem Mandat schonn ze spieren.

Niddereg Léin gi grad Jonke wéineg Perspektiven. De Grond firwat grad an Zentral- an an Osteuropa vill Jonker hirer Heemecht de Réck dréien. D'Formatioun misst dofir mat an de Mëttelpunkt gestallt ginn, um Ament wou ons déi nei Digital Welt viru grouss Erausfuerderunge stellt.

Experte ginn dervun aus, datt bannen den nächste Joren d'Hallschent vun den 120 Millioune Beschäftegten an Europa op Weiderbildung ugewisen ass. Op engem Ament wou eng Millioun Aarbechtsplazen net besat sinn.

Nei Perspektive géif en anere grousse Projet vun der Kommissioun Von der Leyen nei Perspektive schafen: de Green Deal, sou den Nicolas Schmit am Dialog mat de Bierger. D'Ëmsuedelen op e klimaneutraalt Europa. Business-Opportunitéiten an deemno och Aarbechtsplaze géifen enstoen. Fair Aarbechtsplaze mat dezente Paien, sou den Objektiv vum EU-Kommissär Nicolas Schmit.

Schreiwes op Uni.lu

Dialogue Citoyen avec Nicolas Schmit

Elaborer, encourager, dialoguer: le Commissaire à l'emploi et aux droits sociaux s'est engagé à tout mettre en oeuvre pour améliorer les conditions sociales en Europe. La mission n'est pas des moindres car face aux défis liés au vieillissement de la population, à la mondialisation, à la transformation technologique et au changement climatique, l'UE devra investir dans les compétences humaines et l'innovation.

Pouvons-nous nous permettre de perdre de vue les enjeux de l'Union européenne pour les années à venir? Comment préserver la compétitivité de l'UE, tirer parti des changements induits par la transition écologique, les évolutions technologiques et la mondialisation, et veiller à ce que nul ne soit laissé de côté?

La Représentation de la Commission européenne au Luxembourg, l'EDIC Université du Luxembourg et leurs partenaires ont le grand plaisir de vous inviter à débattre avec M. Nicolas Schmit, Commissaire à l'emploi et aux droits sociaux.

La langue véhiculaire sera le français. Une interprétation simultanée sera assurée en anglais et en allemand.
L'événement sera modéré par Dr. Elena Danescu, Research Scientist au Luxembourg Centre for Contemporary and Digital History, Université du Luxembourg.
Une collation sera offerte après le Dialogue Citoyen par la Représentation de la Commission européenne au Luxembourg.

La salle ouvre ses portes à partir de 11h00. Afin de garantir le bon déroulement de l'événement, des mesures de sécurité renforcées seront mises en place.

L'événement aura lieu le 20 janvier à 12h00.

Date de l'événement: lundi 20 janvier 2020 12:00 - 13:30
Lieu: Université du Luxembourg
Maison des Arts et des Étudiants
Campus de Belval
Avenue de la Fonte
L-4362 Esch-sur-Alzette