Dat brittescht Parlament huet de Brexit-Deal mat der EU guttgeheescht.

Nom Ënnerhaus huet um spéiden Owend e Mëttwoch och d’House of Lords gréng Luucht ginn. Duerch d’Ënnerschrëft vun der Queen gouf den Accord domadder formell a Kraaft gesat.

Et feelt elo just nach de Feu-vert vum EU-Parlament.

Dësen Donneschdeg ass jo de leschten Dag vun der brittescher Memberschaft am EU-Bannemaart an an der Zoll-Unioun. De Brexit gëtt no enger Iwwergangszäit also an der Nuecht op e Freideg och op wirtschaftlechem Plang definitiv.

Touriste brauche fir Reesen a Groussbritannien, di manner wéi 90 Deeg daueren, kee Visa, allerdéngs brauch ee vum Oktober 2021 un e Pass fir anzereesen.

Wat d'Telekommunikatiounen ugeet, do kënne vum 1. Januar 2021 un d'Fournisseuren hiren Abonnenten, déi an Groussbritannien reesen, nees Roaming-Fraisen berechnen. Anerersäits wäre se och fräi, déi aktuell Tariffer bäizebehalen.