Éisträich wëll sech bei Impfstoffer géint de Coronavirus net méi op d'EU verloossen.

Éisträich dréint der EU am Kampf géint de Corona de Réck a wëll sech net méi op d'Ema bei Impfstoffer géint de Virus verloossen. D'Europäesch Medikamentenagence wier ze lues bei den Zouloossungen, sou de Kanzler Sebastian Kurz en Dënschdeg zu Wien.

Aus deem Grond wëll Éisträich d'Entwécklung an d'Produktioun vu Vaccine vun der zweeter Generatioun géint méiglech Virus-Variante virundreiwen. Ouni d'EU, dofir awer mat Dänemark an Israel. An deem Kader ass en Donneschdeg eng Entrevue tëscht dem éisträichesche Kanzler, der dänescher Ministerpresidentin Mette Frederiksen an dem israelesche Premierminister Benjamin Netanjahu geplangt.