Ronn 90% vun den afrikanesche Länner wäerten d'Impfzil net erreechen. Dës Mesure soll Enkpäss besser verhënneren.

D'Europaparlament huet sech derfir ausgeschwat, datt d'Patenter op de Covid-Vaccinë fir eng gewëssen Zäit opgehuewe ginn, fir Livraisounsenkpäss a méi aarm Länner ofzebauen. An enger Deklaratioun fuerderen d'Europadeputéiert Verhandlunge mat der Welthandelsorganisatioun. D'Deklaratioun vum EU-Parlament ass awer net verflichtend.

An engems betount d'Parlament, dee beschte Wee wier, wann d'Produzenten och géife fir Technologien an d'Fachwësse fir d'Produktioun vun de Vaccinë fräi ginn. 355 Deputéiert hu fir d'Resolutioun gestëmmt. 263 waren dogéint an 71 hu sech enthalen.

An der EU an och zu Lëtzebuerg ass d'Hallschent vun de Bierger a Biergerinne géint de Covid geimpft. En Donneschdeg gouf bekannt, datt wuel awer 90% vun den afrikanesche Länner hiert Zil net erreeche wäerte bis de September 10% vun hirer Populatioun immuniséiert ze kréien.