Um Kierchbierg waren en Dënschdeg de Moien d'EU-Energieminister beieneen, fir iwwert déi aktuell Hausse vun de Gaspräisser ze diskutéieren.

Léisung héich Energiepräisser / Rep. Fanny Kinsch

Am Virfeld vum Sommet hunn am Ganzen 11 Staaten, dorënner och Lëtzebuerg, sech géint Reforme vum Energiemaart ausgeschwat, wéi ënnert anerem Spuenien se gefuerdert hat. De "Fit for 55"-Programm iwwert d'EU-Klimapolitik wier Deel vun der Léisung, sou de Claude Turmes bei senger Arrivée en Dënschdeg, doduerch géing d'Ofhängegkeet vum Gas an den nächste Jore staark erofgoen.

"Man muss einfach verstehen: Die Gaspreise sind in Asien hoch. Wenn ich in Europa nicht genau dasselbe zahle wie in Asien, dann wird das Schiff Katar verlassen, wird vielleicht in Richtung Europa sein, wird eine Wende machen und dann doch nach Asien fahren, weil da der Preis höher ist."

Zesumme Gas anzekafen, wéi Spuenien et proposéiert, wier a sengen Ae keng Léisung, dat géing Joren daueren an dann hätt een och nach e Problem, fir et ze stockéieren. Wat d'Iddi vu Frankräich ugeet, déi d'Stroumpräisser vun de Gaspräisser wëllen ofkoppelen, sot de Claude Turmes, hien hätt nach näischt Konkretes gesinn.

"Das Wichtigste ist, dass wir den Menschen in Europa ein klares Signal geben. Die Menschen, die wenig Einkommen haben in Europa, denen wollen wir jetzt finanziell helfen. Wir machen das auch in Luxemburg, wir haben eine Erhöhung gemacht für die Teile der Bevölkerung, die am wenigsten Einkommen haben. Mindestens 200 Euro, das ist ungefähr das, was man in Westeuropa braucht um, das zu kompensieren. Und für den Rest, die Europäische Kommission hat ein gutes Papier vorgelegt mit dieser Toolbox, also ein Werkzeugkasten, der uns jetzt erlaubt, auf nationaler Ebene die richtigen Maßnahmen zu treffen."

Präishausse och zu Lëtzebuerg ee grousst Thema

De Claude Turmes gesäit dës Woch sämtlech Gasfournisseuren zu Lëtzebuerg, fir sécher ze stellen, datt am Wanter kee vum Gas ofgeschnidde gëtt.

"Et ass och esou, dass ech dës Woch all gréisser Gasverkeefer hei zu Lëtzebuerg wäert eenzel gesinn, fir nach eng Kéier ze kucken, nach méi Detailer doriwwer ze kréien. Dat anert wat mer wichteg ass, ass dass mer déi Reegel, déi mer eigentlech hunn, dass keen ofgeschalt gëtt iwwert de Wanter vum Gasnetz, dass mer och probéiere mat hinnen ze kucken, wéi mer dat an der Praxis kënnen ëmsetzen."

Iwwerdeems géing hie mat de Fournisseuren iwwert hir Akafsstrategie schwätzen, esou den Energieminister nom Conseil mat sengen Homologen en Dënschdeg. Zu Lëtzebuerg wier et an der Reegel esou, datt d’Fournisseuren en Deel iwwert laangfristeg Kontrakter géingen akafen, wat och zu enger méi grousser Stabilitéit géing bäidroen. Hien hätt och proposéiert, dat EU-wäit anzeféieren, a Reaktioun notamment op déi staark Haussen am Moment.

D'EU misst dofir suergen, datt Gasfournisseuren e Mix aus kuerzfristegen a méi laangfristege Kontrakter ofschléisse fir Gas anzekafen, fir eng gewësse Präisstabilitéit ze garantéieren. Et géing een elo zum Beispill an Däitschland gesinn, datt Fournisseure Problemer hunn, well se nëmme ganz kuerzfristeg Kontrakter hunn.

Donieft huet de Lëtzebuerger Energieminister sech dofir agesat, datt d'Gasspäicher an der EU besser genotzt ginn. A verschiddene Länner géingen et scho Reegele ginn, déi dofir suerge géingen, datt d'Späicheren zu 90 Prozent gefëllt wieren.

"Dat ass notamment de Fall an Italien, deelweis och a Frankräich, an dann gëtt et aner Marchéen, wou et eigentlech keng Reegele gëtt fir d'Späicheren, dat ass notamment de Fall an Däitschland. An Däitschland kënnt dann nach dobäi, dass dee gréisste Gasliwwerant Gazprom ass, deem gehéieren och ganz vill Späicher. An dann ass natierlech d'Fro, gëtt do gespillt, och fir dann eigentlech kënschtlech e bëssen Drock op Präisser ze maachen. D'Iddi ass, dass mer an der neier Gasdirektive eventuell e puer Reegele kréien, fir besser zesummen ze schaffe bei der Utilisatioun vun de bestoend Gasspäicheren. Et geet net drëm neier ze bauen, mee et geet drëm, déi bestoend besser ze notzen an och Grenziwwerschreidend gutt ze notzen."

Stëmme vun de Länner, déi fuerderen, datt an den Energiemaart soll agegraff ginn, wiere mëttlerweil méi roueg ginn, esou de Claude Turmes.

Déi grouss Majoritéit vun de Länner wier sech eens gewiescht, datt d'Klimaschutzmesuren och an der Gaskris géingen hëllefen. Duerch déi Mesure géing an Europa iwwert déi nächst 10 Joer e Véierel vum Gas agespuert ginn.

Domat wier den Impakt vun dëse Mesuren och vill méi grouss, wéi wann een nei Atomkraaftwierker géing bauen, wat 10-15 Joer géing daueren, oder souguer wann een déi aktuell méi laang géing notzen, wat a punkto Sécherheet keng gutt Iddi wier.

Claude Turmes zu den EU-Gespréicher / Rep. Fanny Kinsch

Am Virfeld vum Conseil hat Lëtzebuerg sech mat 10 weidere Memberstaaten dogéint ausgeschwat, datt ee géing an den Energiemaart agräife fir op d'Hausse vun de Gaspräisser ze reagéieren. An do hätt hie vu senger franséischer Homologin den Dënschdeg scho vill méi nuancéiert Téin héieren, sou de Claude Turmes.

"Si huet de Bruno Lemaire eigentlech desavouéiert, well se gesot huet, et geet eis net ëm d'Interventioun an d'Großhandelsmarchéen, also (...) do wou e Gaskraaftwierk muss usprangen oder net usprangen, do huet si gesot, et geet eis net dorëm, mee et geet eis ëm d'Endverbraucher."

Nëmmen nach ganz wéineg Länner hätte sech dofir ausgeschwat, d'Stroumpräisser vum Gas ofzekoppelen, wéi de franséische Finanzminister dat gefuerdert hat.

Och wat e gemeinsaamt Akafe vu Gas op EU-Niveau ugeet, wéi Spuenien et gefuerdert hat, ass Lëtzebuerg skeptesch - et wier ganz komplizéiert a sécher keng kuerzfristeg Léisung sech zu 27 eens ze ginn, sou de Claude Turmes.

"Wat eventuell méiglech ass, ass dass ee seet, déi déi fräiwëlleg wëllen an esou eng Allianz kommen, déi kënnen dat maachen. Mee och do muss ee sech bewosst sinn, et geet jo ëm Milliounen oder Milliarden, wou der iech do engagéiert, an dat si ganz komplizéiert Diskussiounen, wou ech mech froen, wa mer elo op dee Wee ginn fir et méiglech ze maachen, dann teste mer dat, an da sinn ech awer perséinlech nach gespaant, wéi séier mer dat ronn kréien."

Sollt sech esou eng Allianz zesummefannen, géing Lëtzebuerg mat der Belsch zesumme kucken, ob dat fir de gemeinsame Gasmarché géing Sënn maachen. De Grand-Duché setzt sech iwwerdeems dofir an, datt an der EU dofir gesuergt gëtt datt d'Gasspäicher virum Wanter voll sinn an datt d'Fournisseure souwuel laangfristeg wéi kuerzfristeg Kontrakter ofschléisse fir Gas anzekafen, fir eng gewësse Stabilitéit z'assuréieren.

Schreiwes vum Gouvernement

Claude Turmes plaide pour une évaluation du fonctionnement du système de stockage de gaz
Communiqué par : ministère de l'Énergie et de l'Aménagement du territoire

Le ministre de l'Énergie, Claude Turmes, a assisté aujourd'hui au Conseil des ministres de l'Energie de l'UE. Lors de cette réunion extraordinaire qui s'est déroulée au Luxembourg, les ministres ont discuté de la flambée exceptionnelle des prix de l'énergie.

Les négociations ont notamment porté sur la stratégie à adopter face à cette hausse, et ont échangé sur les actions envisageables décrites dans la communication de la Commission sur les prix de l'énergie.

Rappelant que l'Union Européenne reste largement dépendante en matière d'approvisionnement en énergie, le ministre Turmes précise : « Remettre totalement en cause un marché intérieur du gaz et de l'électricité va à l'encontre d'une plus forte indépendance énergétique et serait contreproductif. »

A court terme, des mesures qui soulagent spécifiquement les consommateurs peuvent conduire à un apaisement de la situation. « Au Luxembourg le gouvernement a par exemple décidé d'augmenter l'allocation de vie chère d'au moins 200 euros par ménage à partir du 1er janvier 2022, ce qui soulage les ménages à revenu modeste qui sont le plus touchés par les hausses des prix actuelles » explique le ministre.

À moyen terme, le ministre luxembourgeois prend position pour une évaluation du fonctionnement du système de stockage de gaz et de la stratégie d'achat de gaz à long terme des fournisseurs sur le marché européen, mais aussi pour une évaluation de la position dominante de quelques acteurs du marché du gaz.

Afin de réduire de façon considérable la dépendance européenne des énergies fossiles, le ministre plaide pour une accélération de la mise en œuvre du paquet « Fit for 55 », qui vise la réduction de 55% des émissions de gaz à effet de serre d'ici à 2030. Il rappelle : « Les solutions, on les connaît depuis longtemps : développement massif des énergies renouvelables, aide à l'efficacité énergétique et augmentation des interconnexions entre les marchés énergétiques. L'énergie nucléaire ne fait pas partie des solutions à la situation actuelle. »

Le Ministère de l'Énergie et de l'Aménagement du territoire continue à surveiller l'évolution des prix de près et le ministre continue à en informer le conseil de gouvernement. Par ailleurs, il se concerte avec les fournisseurs d'énergie afin de faire le point sur la situation.