E Méindeg huet déi europäesch Medikamentenagence(Ema)de Corona-Impfstoff Nuvaxovid vum US-Betrib Novavax an der EU zougelooss ginn.

D'Ema recommandéiert an enger éischter Phas eng bedéngt Zouloossung vum proteinbaséierten Impfstoff fir Mënsche vun 18 Joer un. Dat huet d'Agence e Méindeg matgedeelt. Déi letztendlech Entscheedung iwwert d'Zouloossung ass e Méindegowend an der EU-Kommissioun gefall - och zu Bréissel gouf et gréng Luucht fir Nuvaxovid. Et ass dee fënneften Vaccin, deen an der EU géint de Coronavirus zougelooss ass.

An der EU goufen et bis elo zwou Zorte vun Impfstoffer: d'mRNA-Produkter vu Biontech/Pfizer a Moderna an de Vektorimpfstoff vun Astrazeneca an Johnson&Johnson. Mam Impfstoff vun Novavax steet elo och an der EU een éischte sougenannten "Doudimpftsoff" op der Lëscht vun den zougeloossene Produiten. Anescht wéi déi aner baséiert deen op Proteinne vum inaktive Virus an notzt domat déi nämmlecht Method, wéi se zum Beispill och bei der Grippeimpfung an den Asaz kënnt.

Beim Vaccin vun Novavax ginn et zwou Dosissen, déi dräi Wochen ausernee leien. Am Juni hat Novavax matgedeelt, de Vaccin hätt eng Wierksamkeet vu ronn 90 Prozent, Wéi gutt d'Mëttel allerdéngs géint d'Omikron-Variant wierkt, ass nach net genee erfuerscht.

Vill Leit, déi deenen neie Vaccine skeptesch géigeniwwer stinn, haten ugekënnegt, op deen éischten Doudimpfstoff ze waarden. Do virdrun huet awer ënnert anerem de Valneva-Chef Thomas Lingelbach viru Kuerzem ofgeroden. D'Leit sollten net op den Doudimpfstoff waarden, mee sech esou séier wéi méiglech impfe loossen.

Aschätzunge zum neie Vaccin vun Experten aus Lëtzebuerg

Et kënnt also ee fënnefte Corona-Impfstoff an Europa op de Maart. Den neien Impfstoff berout op enger anerer Technologie wéi déi aner véier a soll änlech effikass sinn, wéi déi vu Biontech/Pfizer a Moderna.

Duerch d'Impfung vum Produit vun Novavax géing de Risiko mat Covid krank ze ginn ëm 90 Prozent erofgoen, seet och d'Martine Trauffler vum Gesondheetsministère, déi Lëtzebuerg bei der Ema vertrëtt. Wéi dës Tester duerchgefouert goufe waren d'Hallschent vun de Fäll op déi sougenannten Alpha-Variant zréckzeféieren, iwwert déi nei Omikron-Variant huet een op där anerer Säit nach keng Donnéeën. D'Effikassitéit wier also ganz héich, an d'Risiken niddereg.

De Corona-Impfstoff vun Novavax / Rep. Fanny Kinsch

"Mir haten natierlech Niewewierkungen an de klinesche Studien, sou wéi dat fir all Medikament de Fall ass, also ech soen ëmmer wann et keng Niewewierkunge gëtt, da gëtt et warscheinlech och keng Wierkung, also et ass wierklech absolut domat ze rechnen, dass een hei ebe liicht Niewewierkungen huet, sou wéi bei aneren Impfstoffer och, dat heescht et reagéiert ee bësse mat enger Immunreaktioun, et kann een alt emol e bësse Féiwer kréien, e bësse Péng um Aarm. Mee am allgemenge war hei eben de Profil vun der Sécherheet, war immens gutt."

Den Impfstoff gëtt an zwou Dosisse gesprëtzt a kann einfach am Frigo stockéiert ginn. Jiddereen iwwer 18 Joer kann domat geimpft ginn.

"Et gi wéineg Kontra-Indikatiounen, dat gëllt och fir déi aner Impfstoffer, fir dësen ass déi eenzeg Kontra-Indikatioun eng Hypersensibilitéit op d'Inhaltsstoffer vum Impfstoff, wann een an der Vergaangenheet schonn eng Kéier allergesch reagéiert huet op d'Substanz selwer, bezéiungsweis eben op Inhaltsstoffer, déi et hei ginn."

Den Impfstoff vun Novavax fonctionéiert anescht wéi déi aner, déi bis ewell an der EU zougelooss sinn, erkläert de Markus Ollert, Chef vum Departement fir Immunologie um Fuerschungsinstitut LIH.

"Bisher zugelassene Impfstoffe die wir hatten waren ja entweder diese Vektor-Impfstoffe, der von AstraZeneca zum Beispiel oder von Johnson und Johnson, wo eben ein zweit-Protein über den viralen Vektor presentiert wird und das Immunsystem dadurch angeregt wird. Und die zweite Klasse von Impfstoffen, die zugelassen wurden, waren die m-RNA-Impfstoffe, also die Boten-RNA-Impfstoffe, wo die Botschaft für das Antigen in den Körper gebracht wird über die m-RNA und die Körpereigene Zellen dann das Antigen bilden und dann reagiert das Immunsystem darauf. Und dieser neue Impfstoff von Novavax, der jetzt heute von der Ema für die Zulassung empfohlen wurde, dieser Impfstoff bringt ein klassisches Antigen in den Körper, wogegen dann das Immunsystem reagieren muss."

Den Impfstoff géing domat d'selwecht fonctionéieren, wéi Impfstoffer géint aner Krankheete wéi d'Hepatite. Dat kéint och eng Erklärung sinn, firwat eenzel Leit beim Novavax manner skeptesch wieren.

"Gerade was die m-RNA-Impfstofftechnologiet und die Vektor-Impfstofftechnologie anbelangt, ist es so, dass das relativ neue Technologien sind, beziehungsweise für die mRNA-Technologie hatten wir vorher überhaupt noch keinen Impfstoff, der zugelassen war. Das heißt die Menschen haben wahrscheinlich gewisse Ängste, was diese neue Technologien anbelangt, und sie fühlen sich sicherer mit einer Impfstoff-Technologie, die im Prinzip seit fast 40 Jahren auf dem Markt ist."

Den Impfstoff wier grad sou sécher, wéi déi aner, dat heescht datt de Risiko vun onerwaarten, laangfristegen Niewewierkunge ganz kleng wier. Et géing ee just e klengen Ënnerscheed gesi bei der direkter Reaktioun op den Impfstoff, also den Niewewierkungen, déi z'erwaarde wieren.

De Markus Ollert zum Novavax-Impfstoff

"Man muss ja bei Impfstoffen zwischen erwartbaren Nebenwirkungen und tatsächlichen Nebenwirkungen unterscheiden. Und die erwartbaren Nebenwirkungen, dass das Immunsystem stimuliert wird und dann auch eine gewisse stärkere Immunreaktion in den ersten Stunden und Tagen zeigt, die sind zum Teil bei diesen derzeit verimpften Impfstoffen, die alle sehr sicher sind, natürlich schon bei einigen Menschen deutlich. Das heißt also manche Menschen haben eine deutliche, zum Beispiel eine Fieberreaktion, oder sie fühlen sich krank innerhalb von diesen Tagen. Das kann auch bei klassischen Impfstoffen, also auf Antigen-Basis eben so passieren, ist aber, wenn man sich die Daten genau anschaut, sind diese unmittelbar nach der Impfung auftretende Wirkungen etwas geringer."

Et kéint een awer net soen, datt den Novavax-Impfstoff méi sécher wier, sou de Markus Ollert. Déi Impfstoffer, déi aktuell schonn am Asaz sinn, wiere ganz sécher, an et wier dovun auszegoen, datt et hei vergläichbar wier.

Wéini déi éischt Liwwerung vum neie Corona-Impfstoff zu Lëtzebuerg ukënnt ass nach net gewosst, krute mir op Nofro vum Gesondheetsministère gesot.