Lëtzebuerg kéint sech enger Plainte vun anere Memberstaate géint d'Propose vun der EU-Kommissioun uschléissen.

Dat huet d'Ëmweltministesch Carole Dieschbourg am RTL-Interview confirméiert. Dat hätt ee scho viru Chrëschtdag an engem Regierungsrot festgehalen.

EU-Atomsträit/Reportage Pierre Jans

Weder Gas nach Atom hätten e grénge Stempel verdéngt, betount déi géing Ministesch. Bréissel hat owes spéit op Silvester en Text un d'Regierungen am Kontext vun der sougenannter Taxonomie erausginn, an deem Investisseure souzesoe recommandéiert kréien, fir a Gas an an Atomenergie z'investéieren wa se hir Suen nohalteg placéiere wëllen.

D'Ministesch Carole Dieschbourg

Éisträich huet schonn annoncéiert, dogéint ze kloen. Och an anere Länner zeechent sech Widderstand of. Zum Beispill a Spuenien.

Mëtt des Mounts soll den definitive Text vun der Kommissioun virgestallt ginn. Géint dee kënne d'Memberstaaten an d'EU-Parlament jeeweils e Veto aleeën. D'Konditioune fir e Veto dierften awer schwéier z'erreeche sinn.

Kritiker géint d'Kommissiounspläng sinn den Ament largement an der Minoritéit.