An der EU solle vum Joer 2035 u just nach nei Autoen zougelooss ginn, déi keng Zäregas-Emissioune méi produzéieren.

Doriwwer si sech an der Nuecht op e Mëttwoch déi 27 EU-Ëmweltministeren no laangen Diskussiounen hei um Kierchbierg eens ginn. An anerer Wierder, an 12 an enge hallwe Joer ass et den Out vum klassesche Verbrennungsmotor an Europa.

Et gëtt awer e Kompromëss, dass Autoen, déi mat sougenanntem E-Fuel fueren, also mat syntheteschem Sprit, deen aus erneierbarer Energie gewonne gëtt, weider zougelooss bleiwen.

Alles an allem wier awer dat kloert Signal gesat ginn, dass een déi europäesch Klimaziler erreeche wéilt, sot déi däitsch Ëmweltministesch Lemke der Press géintiwwer. D’EU-Parlament an déi national Parlamenter musse lo nach zoustëmmen.