Nodeems den Euro en Dënschdeg um Stand vum Dollar louch, ass en e Mëttwoch esouguer op 0,9998 Dollar gefall.

Kuerz nodeems bekannt gemaach gouf, dass den Inflatiounstaux an den USA am Juni bei 9,1 Prozent louch, ass den Euro-Cours eng éischte Kéier zanter bal 20 Joer ënnert déi magesch Dollargrenz gefall. Fir genee ze sinn op 0,9998 Dollar. Déi leschte Kéier, datt den Euro manner wéi een Dollar wäert war, war am Dezember 2002, kuerz nodeems den Euro als Boergeld agefouert gouf.

Zënter Méint gëtt den Euro méi schwaach. D'Grënn heivir sinn ënner anerem den Ukrain-Krich an d'Energiekris an eng éischter zeréckhalend Europäesch Zentralbank am Kampf géint d'Inflatioun.

An den USA ass d'Inflatioun méi staark geklommen ewéi erwaart. D'Präisdeierecht louch am Juni bei 9,1%. Experten hate mat 8,8% gerechent. Am Mee waren et nach 8,6%. De Grond fir dës Evolutioun sinn ënner anerem d'Energiepräisser.