Den EU-Chefdiplomat Josep Borrell huet zu Prag ugekënnegt, datt d'Europäesch Unioun d'Ofkommes aus dem Joer 2007 iwwer Visaerliichterunge ganz aussetzt.

Verschiddene Memberlänner haten am Virfeld e komplette Visa-Stopp fir russesch Touriste gefuerdert. Zu Prag hunn d'EU-Ausseministere sech op engem informelle Sommet op e minimale Kompromëss gëeenegt. Wéi den EU-Chefdiplomat Josep Borrell e Mëttwoch am Nomëtteg annoncéiert huet, setzt d'EU d'Ofkommes mat Russland aus dat zanter 2007 Visaerliichterunge virgesäit.

Domadder kéinten Demandë fir e Visa méi deier a méi laangwiereg sinn. Bis elo konnte russesch Touriste an der Reegel e Visa an Zäit vun 10 Schaffdeeg kréien an hunn och nëmme misse 35 Euro fir e Schenge-Visa bezuelen. Parallel bleiwen national Areesverbueter oder Visalimitatioune bestoen, déi Länner wéi Finnland an déi baltesch Memberlänner ënnert anerem schonn annoncéiert, respektiv schonn ëmgesat hunn.

Notamment déi baltesch Memberstaaten haten Drock gemaach fir keng russesch Touriste méi an Europa ze loossen, wann op der anerer Säit d'Ukrainer leiden. Däitschland, Frankräich an ënnert anerem och Lëtzebuerg haten dogéint argumentéiert et kéint een net all d'Russen an een Dëppe geheien. Vill méi missten d'Sanktioune geziilt sinn, sou de Lëtzebuerger Ausseminister Jean Asselborn.

D'EU-Kommissioun soll elo préiwen, wat mat deene ronn 12 Millioune Schenge-Visae vu Russe geschitt, déi elo schonn am Ëmlaf sinn. Zu Prag war och den ukraineschen Ausseminister Dmytro Kuleba derbäi. Hien hat d'Europäer am Virfeld opgeruff, de Russen d'Arees an d'EU ze verbidden.

Positionnementer virum Sommet zu Prag

Den EU-Chefdiplomat Josep Borrell dogéint hat virun der Entrevue op en Accord an eng gemeinsam europäesch Positioun an der Visa-Fro gepocht. D'Europäer kéinten et sech net leeschten, gespléckt opzetrieden. Och misst ee sou lues iwwert déi zukünfteg Relatioune mat Russland nodenken. Och de Lëtzebuerger Ausseminister sot e Mëttwoch zu Prag et misst een et hikréien, nees op eng diplomatesch Schinn ze kommen.

Nieft de baltesche Staaten hate sech Polen an Dänemark duerfir ausgeschwat, fir russesch Touristen net méi fir Fräizäitzwecker an Europa areesen ze loossen. D'Propos dierft awer notamment wéinst dem Widderstand vun Däitschland kaum Chancen hunn, fir ugeholl ze ginn. Och Lëtzebuerg ass dogéint.

Jean Asselborn iwwer Visa-Stopp / Rep. Claude Zeimetz

De Lëtzebuerger Ausseminister sot e Mëttwoch an der tschechescher Haaptstad, et misst ee geziilt sanktionéieren. Anescht géif een dat komplett falsch Zeeche ginn, datt een näischt méi mat Mënschen aus Russland wéilt ze dinn hunn. Dem Lëtzebuerger Diplomatiechef no misst ee vill méi am Gespréich bleiwe mat de Russen, déi an Europa komme wëllen. Dat wiere meeschtens Studenten oder aner Leit mat Diplomer, déi fort wéilten. Hinne géif ee mat engem komplette Visa-Stopp just nach méi Steng an de Wee leeën.

Och Däitschland fuerdert, russesch Bierger, déi Schutz brauchen, misste weider d'Méiglechkeet hunn, "an der EU d'Fräiheetsloft z'ootmen". Studenten, Kënschtler, Wëssenschaftler an Independantë misste weider kënnen an d'EU areesen. Griicheland an Zypern hate sech scho fréi aus wirtschaftleche Grënn géint e Visa-Stopp ausgeschwat.

De Spriecher vum Kreml, den Dimitri Peskow, huet d'Fuerderunge schonn als "antirussesch Agenda" vum Westen ofgedoen.

Dat offiziellt Schreiwes vum Ausseministère

Le ministre des Affaires étrangères et européennes, Jean Asselborn, a participé à la réunion informelle « Gymnich » des ministres des Affaires étrangères de l'Union européenne, qui s'est tenue les 30 et 31 août 2022 à Prague.

La réunion informelle « Gymnich » a commencé par une discussion approfondie sur les relations de l'Union européenne (UE) avec les pays africains, six mois après la tenue du 6e sommet entre l'UE et l'Union africaine. Dans ce contexte, le ministre Asselborn a souligné que les relations entre l'UE et l'Afrique demeurent un aspect très important de l'action extérieure de l'UE. La discussion sur l'engagement avec l'Afrique s'est aussi inscrite dans le contexte de la guerre d'agression menée par la Russie contre l'Ukraine et c'est dans cette optique que le ministre Asselborn a informé ses homologues des échanges qu'il a eus lors de sa récente visite de travail en Algérie. Ces interactions ont confirmé que l'engagement de l'UE avec les partenaires africains doit continuer à être guidé par le principe d'un dialogue ouvert et franc, et que des visites régulières sur le continent sont indispensables pour expliquer notre position face à la guerre russe. En même temps, l'UE devra assurer ses partenaires africains de son soutien face à la multitude de crises auxquelles certains pays font face.

Les ministres des Affaires étrangères ont ensuite discuté des implications de la guerre menée par la Russie contre l'Ukraine pour notamment aborder les différentes mesures qui sont à la disposition de l'UE pour accroître la pression sur le régime de Poutine. Dans ce contexte, les ministres ont décidé de suspendre l'accord sur la facilitation de délivrance de visas entre l'UE et la Russie, et de ne pas reconnaître les passeports émis par les autorités russes dans les territoires ukrainiens occupés.

La réunion a été suivie d'un déjeuner de travail avec les ministres des Affaires étrangères de la Géorgie, de la Moldavie et de l'Ukraine, qui a permis d'aborder les besoins de ces pays dans le contexte actuel, leurs perspectives européennes ainsi que l'avenir du Partenariat oriental.