Dat am Zesummenhang mam Korruptiounsskandal ronderëm déi griichesch EU-Vizepresidentin Eva Kaili.

Déi belsch Police hätt eng entspriechend Demande bei der EU-Parlamentspresidentin Roberta Metsola gemaach a si hätt dofir eng acceleréiert Prozedur ageleet, fir d'Immunitéit opzehiewen. Wien dat ass, wollt d‘Metsola net verroden, verschidde Medieberichter no soll et sech awer ëm de Belsch Marc Tarabella an den Italiener Andrea Cozzolino handelen, déi béid Membere vun der sozial-demokratescher Fraktioun sinn. D‘Roberta Metsola wollt dës Nimm awer net confirméieren

Eng ganz Partie Politiker sollen am Korruptiounsskandal verstréckt sinn. Eng vun de Vizepresidentinne vum Europaparlament, d'Griichin Eva Kaili, gouf rezent vun hire Funktiounen entbonnen a sëtzt den Ament an Untersuchungshaft.

De Skandal ronderëm d'Kaili baséiert op der Reproche, dass si soll Sue vun engem Golf-Staat ugeholl hunn, fir politesch Afloss ze huelen. De Katar gëtt dobäi dacks genannt, ma vun do kënnt ëmmer Dementi. Och aus Marokko solle Sue gefloss sinn, sou de Verdacht. D'Enquêtë lafen.