An diverse Bäiträg an de sozialen Netzwierker gouf eng Foto zesumme mat der Behaaptung gedeelt, se wär eng Foto aus dem Zweete Weltkrich, op där en däitschen Zaldot säi Komerod tréischt. D'Behaaptung ass awer falsch. D'Foto ass a Wierklechkeet eng Zeen aus dem däitschen Antikrichsfilm "Die Brücke" aus dem Joer 1959.

"En däitschen Zaldot versicht, e jonken, verängschtegen Zaldot wärend enger Schluecht am Zweete Weltkrich ze tréischten", heescht et am engleschsproochegen Tweet.

RTL

Screenshot of the false post. Taken on October 17, 2022.

D'Foto zirkuléiert schonn zënter e puer Joer a ganz ville Regiounen op der Welt an a ganz ville Sproochen.

Se gouf op Facebook op Spuenesch, Arabesch a Khmer gedeelt.

2019 gouf se vun engem pakistaneschen Notzer an dem indesche Filmproduzent Mahesh Bhatt op Twitter gepost, wou se bal 200 Mol gedeelt gouf.

D'Behaaptung ass awer falsch.

Film iwwer den Zweete Weltkrich

Bei enger ëmgedréinter Billersich mat Stéchwierder gouf déi selwecht Foto fonnt, déi am November 2017 vum australesche Filmmagasinn Senses of Cinema verëffentlecht gouf.

"D'Bréck/Die Brücke (1959 Westdäitschland, 105 Minutten)", ass den Titel vum Film.

Der Beschreiwung no erzielt de Film d'Geschicht vun "enger Grupp vu siwen däitsche Schoulkanner, déi an de verzweiwelte leschten Deeg vum Zweete Weltkrich an déi däitsch Arméi agezu goufen a mat der Verdeedegung vun der am Titel genannter Bréck beoptraagt goufen, wärend déi alliéiert Arméi hirem Duerf ëmmer méi no komm ass."

Ënnendrënner ass e Screenshot-Verglach vun der Foto am falsche Bäitrag (lénks) mam Original aus Senses of Cinema (riets):

RTL

Screenshot comparison

Eng archivéiert Versioun vum Film, deen iwwer eng Stonn, 38 Minutten an 19 Sekonne geet, ass och hei ze gesinn.

Eng Zeen, déi der Foto an de Bäiträg änelt, ass bei enger Stonn, 24 Minutten a 55 Sekonnen ze gesinn.

Ënnen ass e Screenshot-Verglach vun der Foto am falsche Bäitrag (lénks) mat der entspriechender Zeen am Film (riets):

RTL

Screenshot comparison

Eng Rezensioun vun "Die Brücke" vu Juni 2015 op der Websäit vun The Criterion Collection, engem Distributeur vu Filmklassiker, huet festgestallt, dass den Antikrichsfilm op engem autobiographesche Roman vum däitsche Schrëftsteller Gregor Dorfmeiser baséiert, deen 1945 an d'Militäreenheet vun der NSDAP, de Volkssturm, agezu gouf.

"Der 'The Axmann Conspiracy' no, engem Buch vum Scott Andrew Selby aus dem Joer 2012 iwwer dat chaotescht Endspill vum Drëtte Räich, gouf den Dorfmeister mat 16 Joer an de Volkssturm agezunn an huet no minimalem Training zesumme mat sechs Schoulkomeroden zwou Brécken zu a ronderëm seng Heemechtsstad Bad Tölz verdeedegt. Hie war deen eenzegen Iwwerliewenden", heescht et an der Rezensioun.

Dësen Artikel vun AFP gouf vun RTL op Lëtzebuergesch iwwersat.