Feier e Mëttwoch den Owend an engem Appartementshaus zu Konz, kuerz hannert der Grenz. 7 Persoune gouf liicht verwonnt.

Wéi d'Police matdeelt, wier ee Mann mat Verdacht op schwéier Brandstëftung festgeholl ginn.

Ënnert deene 7 Blesséierte ware 4 Polizisten, 1 Pompjee an 2 Awunner, sou d'Informatioune vun engem Spriecher vun de Pompjeeën op der Plaz. Si koume mat enger liichter Dampvergëftung an d'Spidol.

D'Feier war e Mëttwoch den Owend spéit ausgebrach. D'Appartementshaus gouf zum gréissten Deel zerstéiert a riskéiert an ee Koup ze falen. Wéi et heescht, kéint kee méi am Gebai wunnen. De Schued gouf op ongeféier 350'000 Euro chiffréiert.

D'Rettungsekippen haten nawell mat de ville "Gaffer" ze kämpfen. D'Police huet mussen intervenéieren, fir d'Leit aus dem Wee ze kréien.