No enger vergläichsweis méi roueger Zäit a Groussbritannien, kënnt a Saache Brexit nees Beweegung an d'Spill.

Déi britesch Premierministesch Theresa May informéiert d'Parlament um Mëttwoch iwwert hier nei Brexit-Pläng. En Donneschdeg hat si iwwerraschend ee Vott iwwert ee méiglechen zweete Brexit-Referendum an Aussiicht gestallt.

D'Viraussetzung dofir ass allerdéngs, dass d'Deputéiert de Gesetzprojet iwwert de Brexit-Accord, fir en EU-Austrëtt vu Groussbritannien, an zweeter Lecture unhuelen. Dëse Votte Uganks nächste Mount gëllt als lescht Hoffnung fir de Brexit-Deal, den d'Theresa May mat der EU ausgehandelt hat.

Den Accord vun de Britten an engem Referendum kéint zu der Konditioun fir d'Ratifizéierung vum Accord gemaach ginn, huet Theresa May en Dënschdeg ugedeit. Wat am Fall vun engem Refus geschitt, huet si net gesot. Ob Groussbritannien ënner Ëmstänn géif an der EU bleiwen, ass domat onkloer.